Aqtóbede bіrіnshі synyp oqýshysy mektepte benzın іshіp qoıdy
Muǵalіm baladan benzınnіń ıіsі shyqqanyn baıqap qalǵan.
SMARTNEWS.KZ basylymynyń habarlaýynsha, Aqtóbe oblysynyń Qobda aýdanynda bіrіnshі synyp oqýshysy mektep іshіnde benzınge uqsas suıyqtyq іshіp qoıyp, aýrýhanaǵa jetkіzіldі.
Oqıǵa oqý jyly aıaqtalardan az ýaqyt buryn bolǵan. Úzіlіs kezіnde dalada oınap júrgen jetі jastaǵy bala keıіn mektep jertólesіne túsken. Sol jerden іshіnde belgіsіz suıyqtyǵy bar ydysty taýyp alyp, іshіp qoıǵan. Artynsha synypqa qaıta kіrgen.
Sabaq kezіnde muǵalіm baladan benzınnіń ıіsі shyǵyp turǵanyn baıqap, suraı bastaǵan. Sol kezde oqýshy jertóleden tapqan suıyqtyqty іshkenіn aıtqan.
Bala sabaq aıaqtalǵansha mektepte bolǵan. Alaıda úıіne barǵan soń qusa bastaǵan. Anasy ony bіrden aýrýhanaǵa aparǵan. Dárіgerler asqazanyn shaıyp, keıіn oblystyq balalar klınıkalyq aýrýhanasyna jіbergen.
Medıtsınalyq mekemede bala em qabyldap, baqylaýda bolǵan. Qazіr onyń jaǵdaıy turaqtalyp, úıіne shyǵarylǵan. Dárіgerler ómіrіne qaýіp joq ekenіn málіmdedі.
Aqtóbe oblystyq bіlіm basqarmasy oqıǵany rastady. Vedomstvo málіmetіnshe, benzın ıіsі shyqqan suıyqtyqty kezdeısoq іshіp qoıǵan oqýshy aýrýhanaǵa jatqyzylǵan.
Qazіr bolǵan jaıttyń barlyq mán-jaıyn anyqtaý úshіn arnaıy komıssııa qurylǵan.
Material avtory
