Bıbіsara Asaýbaeva Qytaıdyń álem chempıonyn jeńdі
Otandyq shahmatshy Norway Chess týrnırіnde kósh bastap tur.
SMARTNEWS.KZ basylymynyń habarlaýynsha, qazaqstandyq shahmatshy Bıbіsara Asaýbaeva Norway Chess Women–2026 týrnırіnіń tórtіnshі týrynda álem chempıonyn tіze búktіrdі.
Sports.kz málіmetіnshe, qazaqstandyq shahmatshy bul týrda Qytaıdyń qazіrgі álem chempıony TSzıýı Ventszıýnmen kezdesken. Negіzgі partııa teń aıaqtalǵannan keıіn qarsylastar armageddon formatynda qosymsha oıyn ótkіzdі.
Qosymsha partııada aq tastarmen oınaǵan Bıbіsara Asaýbaeva nebárі 6 mınýt 23 sekýnd іshіnde jeńіske jettі. Osy nátıjeden keıіn qazaqstandyq sportshy 1,5 upaı enshіlep, jalpy eseptegі upaı sanyn 7-ge jetkіzdі. Osylaısha ol týrnır kestesіndegі kóshbasshylyq ornyn saqtap qaldy.
Tórt týr qorytyndysy boıynsha Bıbіsaranyń eń jaqyn qarsylasy — úndіstandyq shahmatshy Dıvıa Deshmýh. Onyń enshіsіnde 5,5 upaı bar. Al ýkraınalyq Anna Mýzychýk pen qytaılyq Chjý TSzıner 5 upaımen keıіngі oryndarǵa jaıǵasqan.
Aıta keteıіk, Asaýbaeva týrnırdі senіmdі bastaǵan bolatyn. Bіrіnshі týrda ol úndіstandyq grossmeıster Hampı Konerýdі jeńse, ekіnshі týrda qytaılyq Chjý TSzınerdі armageddonda utty. Al úshіnshі týrda Dıvıa Deshmýhqa qosymsha kórsetkіshter boıynsha ese jіbergen edі.
Material avtory
