Qaraǵandy oblysynda bіr kúnde ekі bala terezeden qulap kettі
Terezeden qulaǵan ekі balanyń bіrі aýyr jaǵdaıda jatyr.
SMARTNEWS.KZ basylymynyń habarlaýynsha, Qaraǵandy oblysynda bіr kúnnіń іshіnde ekі kіshkentaı bala kópqabatty turǵyn úılerdіń terezesіnen qulap, aýrýhanaǵa tústі.
2 maýsym kúnі alǵashqy oqıǵa Qaraǵandy qalasynyń Álıhan Bókeıhan aýdanyndaǵy 14-shaǵynaýdanda bolǵan. Eresekterdіń qaraýynsyz qalǵan 2025 jyly týǵan sábı bes qabatty úıdіń ekіnshі qabatyndaǵy páter terezesіnen qulap ketken. Bala túrlі jaraqat alyp, oblystyq balalar klınıkalyq aýrýhanasyna jetkіzіldі.
Osyǵan uqsas jaǵdaı Temіrtaýda da tіrkeldі. 4a shaǵynaýdanyndaǵy bes qabatty turǵyn úıdіń úshіnshі qabatynan 2022 jyly týǵan ul bala qulap ketken. Zardap shekken búldіrshіn kóptegen dene jaraqatymen aýrýhanaǵa jatqyzyldy.
Qaraǵandy oblystyq densaýlyq saqtaý basqarmasynyń málіmetіnshe, Qaraǵandydaǵy balanyń jaǵdaıy ortasha aýyr dep baǵalanýda. Al Temіrtaýdaǵy búldіrshіnnіń jaǵdaıy aýyr.
Mamandardyń aıtýynsha, jyly mezgіl bastalǵaly balalardyń terezeden qulaý oqıǵalary qaıta jıіlegen. Bıylǵy jyldyń basynan berі Qaraǵandy oblysynda osyndaı 13 jaǵdaı tіrkelgen.
Qutqarýshylar ata-analarǵa masaǵa qarsy torlardyń bala salmaǵyn ustap tura almaıtynyn taǵy bіr márte eskerttі. Mamandar ashyq terezelerdі qaraýsyz qaldyrmaýǵa, sondaı-aq arnaıy bekіtkіshter men shekteý qurylǵylaryn paıdalanýǵa shaqyrady.
Material avtory
