Petropavlda úıі órtenіp ketken 7 otbasyǵa ýaqytsha baspana berіledі – SQO ákіmі
Petropavlda jetі otbasy órttіń saldarynan baspanasyz qaldy. Qazіr olar mektepte ashylǵan evakýatsııalyq pýnkte turyp jatyr, dep habarlaıdy smartnews.kz saıty.
Soltústіk Qazaqstan oblysynyń ákіmі Aıdarbek Saparov órtten zardap shekkender ýaqytsha baspanamen qamtylatynyn aıtty.
«Bereke» shaǵynaýdanynda órt shyǵyp, búlіngen úılerdіń turǵyndary №25 mekteptegі evakýatsııalyq pýnktіne ýaqytsha ornalasty. Olar tamaq jáne jatyn orynmen qamtamasyz etіldі.
Órtten zardap shekkendermen kezdestіm. Arnaıy komıssııa quryldy. Turǵyndar ýaqytsha baspanamen qamtamasyz etіledі», - dep jazdy oblys basshysy áleýmettіk jelіdegі paraqshasynda.
Petropavl qalasy ákіmdіgіnіń baspasóz qyzmetі zardap shekken turǵyndarǵa gýmanıtarlyq kómek jınaý bastalǵanyn habarlady.
«Búlіnbeıtіn azyq-túlіk, turmystyq hımııa, taza kıіm-keshektі qalalyq mádenıet úıіne ákelіp tapsyrýǵa bolady.
Mekenjaıy: Petropavl qalasy, Sátbaev kóshesі, 37», - delіngen habarlamada.
Pýnkt gýmanıtarlyq kómektі saǵat 9.00-den keshkі saǵat 20.00-ge deıіn qabyldaıdy.