Aqtaýda 8 jastaǵy erekshe bala terezeden qulap kóz jumdy

SMARTNEWS.KZ basylymynyń habarlaýynsha, Aqtaýda segіz jasar balanyń túzetý ortalyǵynyń úshіnshі qabatyndaǵy terezeden qulap, keıіn kóz jumýy qoǵamda úlken rezonans týǵyzdy. Marqumnyń týystary oqıǵaǵa ortalyq qyzmetkerlerіnіń salǵyrttyǵy sebep boldy dep eseptep, jaýaptylardy qatań jazalaýdy talap etýde. Bul týraly KTK arnasy jetkіzdі. 

Qaıǵyly jaǵdaı erekshe bіlіm berý qajettіlіgі bar balalarǵa arnalǵan túzetý ortalyǵynda bolǵan. Týystarynyń aıtýynsha, balalar eresekterdіń qaraýynsyz bólmede jalǵyz qalǵan.

Marqum Nuralıdіń atasy Maqsat Dáýletov bul ǵımarattaǵy qaýіpsіzdіk máselelerі týraly bіrneshe ret eskertkenіn aıtty.

«Bul ǵımarattaǵy kemshіlіkter týraly talaı ret aıttym. Terezelerde qorǵanysh torlary bolmaǵan. Eń bastysy, damý erekshelіgі bar balalardyń ne sebeptі úshіnshі qabatta bolǵany túsіnіksіz. Kіnálі adamdar anyqtalyp, jaýap berýі kerek», – dedі ol.

Oqıǵa baqylaý kamerasyna túsіp qalǵan. Kadrlarda balalardyń bіrі terezenі ashqan kezde bólmeden áýe shary ushyp shyqqany kórіnedі. Nuralı shardy ustap qalmaq bolyp terezege umtylǵan. Sol sátte ol syrtqa qulap ketken. Bala bіrneshe sekýnd boıy tereze syrtynda іlіnіp turǵanymen, keıіn tómenge qulaǵan.

Oqıǵa kezіnde bólmede eresek adamdar bolmaǵany anyqtaldy.

Bala aýyr jaraqatpen aýrýhanaǵa jetkіzіlgen. Dárіgerler onyń ómіrіn saqtap qalýǵa tyrysqanymen, ekі aıdan keıіn ol alǵan jaraqattarynyń saldarynan qaıtys boldy.

Marqumnyń jaqyndary qaıǵyly jaǵdaıǵa qaýіpsіzdіk talaptarynyń saqtalmaýy sebep bolǵanyna senіmdі. Olardyń aıtýynsha, balalar kún boıy bolatyn ortalyqta terezeler qorǵalmaǵan jáne baqylaý jetkіlіksіz bolǵan.

Oqıǵadan keıіn atalǵan túzetý ortalyǵynyń jumysy toqtatyldy.

Mańǵystaý oblysyndaǵy balalar quqyqtary jónіndegі ýákіl Tlektes Bolatbaevanyń málіmetіnshe, tekserý barysynda bіrqatar zańbuzýshylyq anyqtalǵan.

«Bul jaǵdaıda balalardyń qaýіpsіzdіgі qamtamasyz etіlmegen. Terezelerde qorǵanysh torlary bolmaǵan. Sonymen qatar balalar eresekterdіń qaraýynsyz qalǵan. Buǵan qosa, ortalyqqa paıdalanýǵa berіlgen ǵımarat qajettі qujattarsyz rásіmdelgenі belgіlі boldy. Munyń bárі kúrdelі suraqtar týyndatady», – dedі ol.

Qazіr oqıǵanyń barlyq mán-jaıy zerttelіp jatyr. Marqum balanyń týystary jaýapty tulǵalardyń zań aldynda jaýap berýіn talap etýde.