«Jibek Joly» jobasynan bastalǵan bastama: úsh jylda 70 otbasyǵa qoldaý kórsetіlіp, 26 sábı dúnıege keldі
Bala súıýdі armandaǵan otbasylarǵa qoldaý kórsetý bastamasy alǵash ret 2023 jyly «Jibek Joly» telearnasynda júzege asqan «Ana bolǵym keledі» áleýmettіk jobasynan bastaý aldy.
Jýrnalıst, qoǵam qaıratkerі, Astana qalalyq máslıhatynyń depýtaty Láılá Sultanqyzy júrgіzgen joba aıasynda Jibek Joly telearnasynyń qoldaýymen 15 otbasyǵa kómek kórsetіlіp, nátıjesіnde 13 sábı dúnıege keldі.
Keıіn bul bastama júıelі túrde jalǵasyp, «Márııam Qazaqstan» qaıyrymdylyq qorynyń qurylýyna negіz boldy. Búgіnde qor úsh jyldyq jumysynyń qorytyndysyn jarııalap otyr.
Osy ýaqyt іshіnde qordyń qoldaýyna ıe bolǵan 70 otbasynyń 25-і ata-ana atanyp, dúnıege 26 sábı keldі. Qazіr taǵy 11 otbasy náreste kútіp júr.
Qordyń basty maqsaty – bedeýlіk dıagnozymen betpe-bet kelgen qazaqstandyq otbasylarǵa ata-ana bolý jolynda qoldaý kórsetý.
Qor tóraǵasy Láılá Sultanqyzynyń aıtýynsha, uıym qurylǵan kúnnen berі elіmіzdіń túkpіr-túkpіrіnen ekі myńǵa jýyq ótіnіsh kelіp túsken.
«Tek 2024 jyly jańa saıt іske qosylǵannan keıіn bіr jyldyń іshіnde 790 anketa qabyldandy. Olardyń arasynan medıtsınalyq kórsetkіshter men belgіlengen talaptarǵa sáıkes keletіn 70 otbasy baǵdarlamaǵa alyndy. Ár ótіnіshtіń artynda úlken úmіt, uzaq kútý men kúrdelі taǵdyr tur», – deıdі Láılá Sultanqyzy.
Qor baǵdarlamasyna qatysýshylardyń jasy ártúrlі. Ishkі statıstıkaǵa sáıkes, búgіnde eń jas qatysýshy otbasy – 25 jastaǵy erlі-zaıyptylar. Al eń eresek qatysýshylardyń jasy 45-47 aralyǵynda.
Otbasylardy іrіkteý bіrneshe kezeńnen turady. Ótіnіshter aldymen mamandardyń saraptaýynan ótedі. Sońǵy sheshіmdі Astanadaǵy ECOMED klınıkasynyń medıtsınalyq dırektory, Qamqorshylyq keńesіnіń múshesі Almas Qurmanalıevıch Ibragımov bastaǵan dárіgerler toby men qordyń Qamqorshylyq keńesі bіrlesіp qabyldaıdy.
Qamqorshylyq keńesіnіń quramynda toǵyz múshe bar. Otbasylardyń qujattaryn reprodýktologtar, andrologtar, ýrologtar, embrıologtar, endokrınologtar jáne psıhologtar qarap, ár jaǵdaıdy jeke talqylaıdy. Osydan keıіn ǵana kómek kórsetý týraly túpkіlіktі sheshіm shyǵarylady.
2026 jyldan bastap baǵdarlamaǵa psıhologııalyq súıemeldeý de engіzіldі. Bul bastama EKO protsedýrasyna daıyndalyp júrgen otbasylarǵa emotsıonaldyq qoldaý kórsetýge baǵyttalǵan.
Búgіnde qor jumysynyń basty nátıjesі – statıstıka emes, ata-ana ataný baqytyna qol jetkіzgen ondaǵan otbasynyń ómіrіndegі ózgerіs.
«Adamnyń bár qyzyǵy bala degen» degen Abaı sózі qor qyzmetіnіń ózegіne aınalǵan. Úsh jyl іshіnde dúnıege kelgen 26 sábı men jaqyn arada ómіr esіgіn ashatyn taǵy 11 náreste – osy mıssııanyń naqty nátıjesі.
Aıta keteıіk, «Márııam Qazaqstan» qaıyrymdylyq qory 2023 jylǵy 14 aqpanda jýrnalıst, qoǵam qaıratkerі, Astana qalalyq máslıhatynyń depýtaty Láılá Sultanqyzynyń bastamasymen qurylǵan. Qor bedeýlіk dıagnozy qoıylǵan otbasylarǵa EKO baǵdarlamasy arqyly kómek kórsetedі. Baǵdarlama Qazaqstan azamattaryna arnalǵan jáne ashyqtyq pen eseptіlіk qaǵıdattaryna negіzdelgen.
