Iran AQSh-tyń kóptegen áskerı ushaǵyn joıǵanyn málіmdedі
Iran Batys Azııadaǵy amerıkalyq bazalarǵa jasaǵan shabýyl nátıjesіn jarııalady.
SMARTNEWS.KZ basylymynyń habarlaýynsha, Iran Islam revolıýtsııasy saqshylary korpýsy (IRSK) amerıkalyq áskerı avıatsııa ornalasqan nysandarǵa soqqy jasap, kóp mólsherdegі joıǵysh ushaqty joıǵanyn málіmdedі.
IRSK taratqan aqparatqa sáıkes, shabýyl AQSh-tyń F-35, F-15 jáne F-16 joıǵysh ushaqtary ornalasqan oryndarǵa baǵyttalǵan. Iran tarapy operatsııa barysynda 12 ballıstıkalyq zymyran qoldanylǵanyn habarlady.
Áskerı qurylymnyń málіmdeýіnshe, shabýyl tek ushaqtar turǵan nysandarmen shektelmegen. Sonymen qatar Iordanııa aýmaǵyndaǵy Ál-Azraq áskerı áýe bazasy men basqarý ortalyǵy dep sıpattalǵan nysandar da nysanaǵa alynǵan.
IRSK ókіlderі operatsııa nátıjesіnde «kóptegen joıǵysh ushaq joıyldy» dep málіmdedі. Alaıda bul aqparatqa qatysty AQSh tarapynan ázіrge resmı rastaý jarııalanǵan joq.
Eske salsaq, buǵan deıіn Aq úı basshysy Donald Tramp Iran kúshterі Ormýz buǵazy ústіnde amerıkalyq Apache tіkushaǵyn atyp túsіrgenіn habarlaǵan bolatyn.
Sońǵy kúnderі Vashıngton men Tegeran arasyndaǵy jaǵdaı kúrt shıelenіstі. Donald Tramp soǵysty toqtatý jónіndegі kelіssózderde іlgerіleý bolmaǵanyn aıtyp, AQSh Iranǵa qarsy soqqylardy qaıta bastaıtynyn málіmdegen edі. Keıіn AQSh Qarýly kúshterіnіń Ortalyq qolbasshylyǵy (CENTCOM) Iran aýmaǵyna jańa shabýyldar jasalǵanyn rastady.
Buǵan jaýap retіnde Iran Ormýz buǵazyn barlyq kemeler úshіn japqanyn jarııalady. Sonymen qatar jergіlіktі aqparat quraldary IRSK Taıaý Shyǵystaǵy amerıkalyq áskerı bazalarǵa qarsy zymyrandar men ushqyshsyz ushý apparattaryn paıdalanyp shabýyl operatsııasyn bastaǵanyn habarlady.
Material avtory
