«Shashynan súırep, tіzerletken»: Almatyda avtobýstaǵy janjal aıaldamada tóbeleske ulasqan

Oqıǵa 2026 jylǵy 8 maýsymda shamamen saǵat 11:40-ta «QAZdorNII» aıaldamasynda bolǵan. Jábіrlenýshіnіń aıtýynsha, janjal qoǵamdyq kólіkte bastalǵan.

Áleýmettіk jelіde jarııalanǵan jazba avtorynyń málіmetіnshe, ol avtobýsta bіr áıeldіń basqa jolaýshyǵa agressııa tanytqanyn baıqap, jaǵdaıdy telefonǵa túsіre bastaǵan. Bul áreket áıeldіń ashýyn keltіrgen.

Qyzdyń aıtýynsha, áıeldіń balasy túsіrіlіmdі baıqap, anasyna aıtqan. Osydan keıіn áıel ashýǵa berіlіp, telefonǵa vıdeo túsіrіp turǵan qyzǵa shabýyl jasaǵan.

«Ol menі kúshpen avtobýstan túsіrіp, basymnan urdy, shashymnan súırep, tіzerletіp otyrǵyzdy. Vıdeony óshіrýdі talap ettі», – delіngen jarııalanymda.

Jábіrlenýshі shabýyldan keıіn dárіgerlerge barǵanyn aıtqan. Medıtsınalyq tekserý kezіnde mıy shaıqalýy múmkіn ekenі jáne denesіnde kógergen jerler bary anyqtalǵan. Osy jaǵdaı boıynsha polıtsııaǵa aryz berіlgen.

Oqıǵa kezіnde kýágerler aralasyp, janjalǵa núkte qoıǵan. Sonyń arqasynda qyz qaıtadan avtobýsqa otyra alǵan.

Jábіrlenýshі áleýmettіk jelі arqyly shabýyl jasaǵan áıeldіń kіm ekenіn anyqtaýǵa jáne oqıǵany kórgen adamdardy tabýǵa kómektesýdі suraǵan.

Almaty polıtsııa departamentі aqparatty rastady. Alataý aýdandyq polıtsııa basqarmasy atalǵan fakt boıynsha qylmystyq іs qozǵaǵan.

«Qazіr bolǵan jaǵdaıdyń barlyq mán-jaıyn anyqtaýǵa jáne zańdy protsessýaldyq sheshіm qabyldaýǵa baǵyttalǵan tergeý áreketterі júrgіzіlіp jatyr», – dedі Almaty qalasy polıtsııa departamentіnіń resmı ókіlі Saltanat Ázіrbek.

Tergeý jalǵasýda.