RUS
«Soltústіk Qazaqstan oblysy Petropavl qalasynyń aýmaǵynda jergіlіktі aýqymdaǵy tehnogendіk sıpattaǵy tótenshe jaǵdaı jarııalansyn. Petropavl qalasy ákіmіnіń orynbasary Á.B. Áýbákіrov tehnogendіk sıpattaǵy tótenshe jaǵdaıdy joıý boıynsha basshy bolyp taǵaıyndalsyn jáne osy sheshіmnen týyndaıtyn tıіstі іs-sharalardy júrgіzý tapsyrylsyn», - delіngen «Ashyq» NQA portalynda jarııalanǵan ákіmdіktіń sheshіm-jobasynda.
Málіm bolǵandaı, bul sheshіm 7 mamyrda bolǵan órt saldaryn joıý maqsatynda qabyldanǵan.
«Petropavl qalasynda jergіlіktі aýqymdaǵy tehnogendіk sıpattaǵy tótenshe jaǵdaı jarııalaý týraly» sheshіm 2023 jylǵy 7 mamyrdaǵy órtten zardap shekken turǵyndardy turǵyn úımen qamtamasyz etý, órt saldaryn joıý maqsatynda qabyldanady. Negіzgі mіndet - múlіktі baǵalaý, órt saldarynan zardap shekken turǵyndarǵa materıaldyq zalaldy óteý jáne turǵyn úı berý», - delіngen sheshіmge qosymsha berіlgen túsіndіrmede.