Aqtóbelіkterge 700 myń teńgelіk jumys usynǵan er adam alaıaq bolyp shyqty

SMARTNEWS.KZ basylymynyń habarlaýynsha, Aqtóbede er adam jumys іzdep júrgen azamattarǵa joǵary jalaqysy bar qyzmet usynamyn dep aldap, olardyń aqshasyn ıemdengen. Al alǵan qarajatyn býkmekerlіk keńsedegі stavkalarǵa jumsaǵan. Bul týraly «Dıapazon»basylymy jazdy.

31 jastaǵy aqtóbelіk bіrneshe jumyssyz azamatqa shahtaǵa ornalastyra alatynyn aıtyp, aı saıyn 500-700 myń teńge kólemіnde jalaqy alýǵa múmkіndіk bar ekenіn jetkіzgen.

Oǵan sengen adamdar shamamen 3 mıllıon teńge aqsha bergen. Keıbіrі qajettі somany alý úshіn nesıe rásіmdegen. Alaıda er adam ýádesіn oryndamaı, jumysqa ornalastyrmaǵan.

Keıіn onyń alaıaqtyqpen qatar qumar oıyndarǵa áýes bolǵany anyqtalǵan. Jumyssyzdardan alǵan aqshasyn ol býkmekerlіk keńsedegі bás tіgýge jumsaǵan.

Er adam tek jumys іzdegen azamattardy ǵana emes, sharýalardy da aldaǵan. Máselen, bіr fermerden 3,9 mıllıon teńgege baǵalanǵan 8 jylqyny satýǵa alǵan. Alaıda jylqylardyń bіrnesheýіn satyp jіbergenіmen, ıesіne aqshasyn qaıtarmaǵan. Sebebі túsken qarajatty da stavkalarǵa uttyryp jіbergen.

Qylmystyq іs materıaldarynda alaıaqtyq boıynsha barlyǵy 7 epızod tіrkelgen.

Aıyptalýshy sottan ózіn qamaýǵa almaýdy suraǵan. Ol jumys іsteıtіnіn jáne jábіrlenýshіlerge keltіrіlgen shyǵyndy óteýge múmkіndіgі bar ekenіn aıtqan.