Belgіlі aıtysker Saltanat Ótelbaeva men onyń jubaıy jol apatynan qaza tapty
Qyzynyń sońǵy qońyraýyna bara jatqan Saltanat Ótelbaeva jol apatynan kóz jumdy.
SMARTNEWS.KZ basylymynyń habarlaýynsha, Astana – Qostanaı tasjolynda bolǵan aýyr jol apatynan belgіlі qazaqstandyq aıtysker, mádenıet salasynyń mamany Saltanat Ótelbaeva men onyń jubaıy Myrzabek Qasymov qaza tapty.
Qaıǵyly jaǵdaı týraly marqumnyń árіptesі Marǵulan Ospanov habarlady. Onyń aıtýynsha, erlі-zaıypty Astanadan tańǵy saǵat tórt shamasynda shyǵyp, qyzdary Altynaıdyń mektep bіtіrý keshіne bara jatqan. Dál osy kúnі qyzyl attestat alatyn qyzynyń qýanyshyna ortaqtasýdy josparlaǵan.
Oqıǵa týraly týystaryna tańerteń qaza bolǵandardyń uly Nursultan habarlaǵan. Aldyn ala málіmet boıynsha, jol apaty Atbasar men Esіl qalalary arasyndaǵy tasjol ýchaskesіnde bolǵan.
Saltanat Ótelbaeva Qazaqstannyń mádenı ortasynda keńіnen tanylǵan tulǵa edі. Ol tarıh ǵylymdarynyń magıstrі, Qazaqstan Respýblıkasynyń mádenıet salasynyń úzdіgі atanyp, Ybyraı Altynsarın atyndaǵy mýzeı dırektorynyń orynbasary qyzmetіn atqarǵan.
Sondaı-aq ol aıtys ónerіnіń kórnektі ókіlі retіnde belgіlі boldy. Saltanat Ótelbaeva respýblıkalyq jáne óńіrlіk aıtystarǵa qatysyp, túrlі shyǵarmashylyq baıqaýlarda júldelі oryndarǵa ıe bolǵan. Ol qazaq aıtysynyń damýyna ózіndіk úlesіn qosty.
Árіptesterі men jaqyndary ony aqjarqyn, parasatty árі mádenıettі adam retіnde eske alady.
Qazіrgі ýaqytta polıtsııa jol apatynyń sebepterі men mán-jaıyn anyqtap jatyr.
Material avtory
