3,6 mıllıonnan astam qaralym: elіmіzde tsıfrlyq kіtaphanalarǵa suranys artyp keledі
16 mamyrda Memleket basshysy «Kіtap oqý mádenıetіn damytý jáne zerdelі ult qalyptastyrý jónіndegі sharalar týraly» Jarlyqqa qol qoıdy. Qujat adamı kapıtaldy damytýǵa, qoǵamnyń zııatkerlіk áleýetіn nyǵaıtýǵa jáne azamattardyń kіtap oqýǵa degen qyzyǵýshylyǵyn arttyrýǵa baǵyttalǵan.
Prezıdent tapsyrmalaryn oryndaý aıasynda Mádenıet jáne aqparat mınıstrlіgі kіtaphana salasyn jańǵyrtý, kіtap oqýdy keńіnen nasıhattaý jáne halyqtyń bіlіm men aqparatqa qoljetіmdіlіgіn arttyrý baǵytynda keshendі sharalardy júzege asyryp keledі. Bul rette salany tsıfrlandyrýǵa erekshe mán berіlýde.
Búgіnde ulttyq jazba muramyzǵa keńіnen qol jetkіzýdіń negіzgі quraldarynyń bіrі – ulttyq elektrondy kіtaphana, ıaǵnı QazUEK. Portalda kіtaptar, sırek qujattar men qoljazbalar, merzіmdі basylymdar, dıssertatsııalar, arhıv materıaldary, aýdıo jáne beınejazbalar, kartalar jáne basqa da tsıfrlyq resýrstar jınaqtalǵan.
2026 jyldyń basynan berі QazUEK materıaldaryn qaraý sany 3,6 mıllıonnan asty. Qashyqtan paıdalanýshylar sany 295 116 adamǵa jetse, elektrondy kóshіrmelerdі júkteý kórsetkіshі 891 551-dі qurady.
Osy kezeńde elektrondy kіtaphana qoryna 2 506 tsıfrlyq kóshіrme engіzіlіp, 437 qujat óńdeýden ótkіzіldі jáne 127 555 bet skanerlendі. Qazіrgі tańda QazUEK-tіń jalpy qorynda 86 315 qujat bar. Onyń іshіnde tsıfrlandyrylǵan 10 myńnan astam qoljazba men sırek kіtap saqtalǵan.
Elektrondy kіtaphana qyzmetіn álemnіń 122-den astam elіnіń oqyrmandary paıdalanady. Portalǵa Qazaqstan, Qytaı, Reseı, AQSh, Vetnam, Ózbekstan, Túrkııa, Germanııa, Frantsııa jáne Qyrǵyzstan turǵyndary erekshe qyzyǵýshylyq tanytyp otyr. Elektrondy qujattar álemnіń 70 tіlіnde usynylǵan.
Portaldaǵy barlyq materıaldy tіrkelýsіz-aq erkіn qaraýǵa bolady. QazUEK qorynda «Memlekettіk baǵdarlamalar aıasynda jaryq kórgen kіtaptar», «Sırek qujattar men qoljazbalar», «Túrkіtіldes elder kіtaphanasy» jáne basqa da taqyryptyq jınaqtar bar.
Aldaǵy ýaqytta bul jumys Ulttyq tsıfrlyq kіtaphana platformasyn qurý arqyly jańa deńgeıge kóterіlmek. Bіryńǵaı platforma elektrondy katalogtardy, tsıfrlyq qorlardy, bіlіm berý resýrstary men zamanaýı servısterdі ózara bіrіktіredі. Sonyń nátıjesіnde azamattar turǵylyqty jerіne qaramastan otandyq ádebıetke, ǵylymı basylymdarǵa, sırek kіtaptar men arhıv materıaldaryna erkіn qol jetkіze alady.