ChatGPT pen AliExpress Qazaqstanda salyq máselesіne tap boldy

SMARTNEWS.KZ basylymynyń habarlaýynsha, OpenAI kompanııasy, sondaı-aq AliExpress pen taǵy ondaǵan sheteldіk ınternet-servıs Qazaqstandaǵy salyq mіndettemelerіn tolyq oryndamaǵany anyqtalyp, bıýdjetke qosymsha іrі kólemde qarjy aýdarǵan. Bul týraly «Tengrinews.kz» jazdy.

Qazaqstandyq salyq organdary júrgіzgen tekserіs nátıjesіnde tanymal ChatGPT chat-botyn ázіrlegen OpenAI kompanııasy el bıýdjetіne 1,8 mlrd teńge kólemіnde salyq tólemegenі belgіlі bolǵan.

Kompanııaǵa resmı eskertý jіberіlgennen keıіn, OpenAI anyqtalǵan qaryzdy tolyq ótep, qajettі somany Qazaqstan bıýdjetіne aýdarǵan.

Tekserý barysynda salyq organdary tek OpenAI-men ǵana shektelmeı, Qazaqstanda keń qoldanylatyn AliExpress platformasyn qosa alǵanda, 76 іrі halyqaralyq ınternet-kompanııany baqylaýǵa alǵan.

Mamandar sheteldіk servıster tarapynan negіzіnen ekі túrlі zańbuzýshylyqty anyqtaǵan.

Bіr jaǵdaıda keıbіr platformalar Qazaqstan aýmaǵynda mіndettі tіrkeýden ótpeı, el naryǵynda qyzmet kórsetіp, tabys tapqan.

Ekіnshі jaǵdaıda kompanııalardyń qazaqstandyq paıdalanýshylardan túsken naqty tólemderі men bıýdjetke aýdarylǵan qosylǵan qun salyǵy (QQS) arasynda aıyrmashylyq bolǵan.

Qazaqstannyń memlekettіk kіrіster organdary aralasqannan keıіn barlyq 77 sheteldіk kompanııa anyqtalǵan kemshіlіkterіn joıyp, bıýdjet aldyndaǵy bereshegіn tolyq ótegen.