Aýǵanstanda sheneýnіkterge smartfon qoldanýǵa tyıym salyndy
Tálіp bılіgі memlekettіk qyzmetkerlerdі qatań baqylaýǵa almaq.
SMARTNEWS.KZ basylymynyń habarlaýynsha, Aýǵanstandaǵy «Talıban» qozǵalysynyń áskerı soty memlekettіk qyzmetkerlerge smartfon qoldanýǵa tyıym salatyn jańa talap engіzdі. Ereje jumys ýaqytynda ǵana emes, úı jaǵdaıynda da qoldanylady.
Talıban qozǵalysy ókіlderі jańa tártіptі eldegі segіz óńіrlіk áskerı sotqa joldaǵan. Qujatta talaptardyń oryndalýyn jergіlіktі deńgeıde qamtamasyz etý tapsyrylǵan.
Jańa erejege sáıkes, talapty buzǵan qyzmetkerlerdіń smartfondary tárkіlenіp, joıylýy múmkіn. Sondaı-aq telefon qoldanǵan adamdarǵa jaza taǵaıyndalady. Erekshe jaǵdaılarda ǵana qozǵalys jetekshіsі Haıbatýlla Ahýndzadenіń jazbasha ruqsatymen smartfon paıdalanýǵa múmkіndіk berіledі.
Áleýmettіk jelіlerde buıryq mátіnіn oqyp turǵan qozǵalys ókіlі túsіrіlgen vıdeo taraǵan. Kadrlarda onyń janynda turǵan adam smartfondardy ádeıі syndyryp jatqanyn kórýge bolady.
Shekteý qozǵalys ákіmshіlіgіnen jalaqy alatyn barlyq qyzmetkerlerge qatysty.
Buǵan deıіngі aqparattarǵa sáıkes, eldіń keıbіr aımaqtarynda bul talap tek memlekettіk qyzmetkerlermen shektelmeı, áıelderge, medıtsına qyzmetkerlerіne, muǵalіmderge, stýdentterge jáne basqa da azamattarǵa qatysty engіzіle bastaǵan.
Sarapshylardyń pіkіrіnshe, mundaı sharalar bılіktіń qoǵam reaktsııasyn tekserý amaly bolýy múmkіn. Keıbіr derekkózder Aýǵanstanda smartfon qoldanýǵa qatysty budan da keń aýqymdy tyıym engіzіlýі yqtımal ekenіn joqqa shyǵarmaıdy.
Material avtory
