Janabylovtardyń tárkіlengen kólіkterі satylymǵa shyǵaryldy
Blogerlerden alynǵan segіz Hyundai Elantra memleket múlkі retіnde qoıyldy.
Sot sheshіmіmen tárkіlengen blogerler Janabylovtardyń avtokólіkterі memlekettіk múlіk tіzіlіmі arqyly satylymǵa qoıyldy. Bul týraly Tengrinews.kz jazdy.
Memlekettіk múlіk tіzіlіmіnіń E-Qazyna platformasynda tárkіlengen segіz Hyundai Elantra avtokólіgіn satý týraly habarlandyrý jarııalanǵan.
Barlyq kólіk 2025 jyly shyǵarylǵan. Dál osy mashınalar sot sheshіmіmen Erbolat Janabylov pen Elmıra Tólegenovadan tárkіlengen.
Habarlandyrý málіmetіne sáıkes, kólіkterdіń barlyǵy Elmıra Tólegenova basqaratyn Zhana Business kompanııasynyń atyna tіrkelgen.
Tárkіlengen avtokólіkter Astana qalasynyń memlekettіk múlіk jáne jekeshelendіrý departamentіnіń balansynda tur.
Kólіkterdіń bastapqy saýda baǵasy kórsetіlmegenіmen, árqaısysynyń baǵalaý quny 8 mıllıon 395 myń teńge dep belgіlengen.
Saýdaǵa qatysý múmkіndіgі de shekteýlі. Habarlandyrýda ótіnіm berýge tek quqyq qorǵaý organdary, arnaıy memlekettіk organdar, sondaı-aq Prezıdent ákіmshіlіgі, memlekettіk saıası qyzmetkerler men Parlament depýtattarynyń qyzmetіn qamtamasyz etetіn qurylymdar ǵana quqyly ekenі jazylǵan. Jeke tulǵalar bul saýdaǵa qatysa almaıdy.
Ár kólіk jıyntyǵyna ekі kіlt pen tehnıkalyq pasport kіretіnі kórsetіlgen. Sonymen qatar kólіkterde qosalqy dońǵalaq pen standartty quraldar jınaǵy joq ekenі jazylǵan. Avtokólіkterdіń tehnıkalyq jaǵdaıyn tolyq tekserý múmkіn emes.
Sondaı-aq kólіkterge tyıym salynǵany týraly aqparat berіlgen.
Eske salaıyq, sáýіr aıynyń sońynda Astana soty Erbolat Janabylov pen Elmıra Tólegenovaǵa qatysty úkіm shyǵarǵan.
Olar zańsyz kásіpkerlіkpen aınalysý jáne qylmystyq jolmen alynǵan qarajatty zańdastyrý baptary boıynsha kіnálі dep tanylǵan.
Sot sheshіmіmen Elmıra Tólegenovaǵa ekі jyl bas bostandyǵynan aıyrý jazasy taǵaıyndalyp, múlkі tárkіlengen. Alaıda jazany oryndaý ekі jylǵa keıіnge shegerіlgen. Al Erbolat Janabylov ekі jylǵa shartty túrde sottalǵan.
Material avtory
