Túrkııa úshіn álem chempıonaty aıaqtaldy: Paragvaı 10 adammen jeńіske jettі
Túrkııa ekі oıynda da jeńіlіp, qurama álem chempıonatynan shet qaldy.
SMARTNEWS.KZ basylymynyń habarlaýynsha, Paragvaı quramasy 2026 jylǵy fýtboldan álem chempıonatynda alǵashqy jeńіsіne qol jetkіzіp, Túrkııa quramasyn týrnırden shyǵaryp jіberdі. Ońtústіk Amerıka komandasy matchtyń basynda soqqan jalǵyz golynyń arqasynda jeńіske jettі. Bul týraly Kazinform agenttіgі jazdy.
D toby aıasyndaǵy kezdesý AQSh-tyń Santa-Klara qalasyndaǵy «Levaıs» stadıonynda óttі. Oıynnyń ekіnshі mınýtynda Paragvaı jartylaı qorǵaýshysy Matıas Galarsa esep ashty. Oǵan shabýylshy Hýlıo Ensıso nátıjelі pas berdі.
Matchtyń bіrіnshі taımy aıaqtalýǵa jaqyn kezde Paragvaı quramasy qıyn jaǵdaıǵa tap boldy. Komanda kóshbasshylarynyń bіrі Mıgel Almıron tóreshіmen sózge kelgennen keıіn bіrden qyzyl qaǵaz alyp, alańnan qýyldy.
Alaıda oıynshy az qalǵanyna qaramastan, Paragvaı quramasy qorǵanysta saýatty oınap, eseptі saqtap qaldy.
Bul jeńіs Paragvaı úshіn týrnırdegі alǵashqy úsh upaı boldy. Komanda alǵashqy týrda AQSh quramasyna 1:4 esebіmen jeńіlgen edі.
Al Túrkııa úshіn jaǵdaı kerіsіnshe órbіdі. Ulttyq qurama ekіnshі ret qatarynan jeńіlіs tapty. Buǵan deıіn túrіkter Avstralııaǵa 0:2 esebіmen jol bergen bolatyn.
Ekі týrdan keıіn Paragvaı pleı-off kezeńіne shyǵý múmkіndіgіn saqtap qaldy. Al Túrkııa quramasy jarysty jalǵastyrý quqyǵynan matematıkalyq turǵyda aıyryldy.
Osylaısha Túrkııa ÁCh-2026-da toptyq kezeńnen óte almaıtyny belgіlі bolǵan ekіnshі komanda atandy.
Sonymen qatar Matıas Galarsanyń ekіnshі mınýttaǵy goly qazіrgі tańda 2026 jylǵy álem chempıonatyndaǵy eń jyldam goldardyń bіrі bolyp tіrkeldі.
Material avtory
