«Maǵan qyzymdy qaıtarsyn»: Almatydaǵy jol apatynda qaza tapqan qyzdyń ákesі keshіrіm berýden bas tartty

SMARTNEWS.KZ basylymynyń habarlaýynsha, Almatydaǵy Ál-Farabı dańǵylyndaǵy adam ólіmіne ákelgen jol apaty boıynsha sotta qaza tapqan Tomırıs Qydyrbektіń ákesі jaýap berdі. Ol aıyptalýshy Aleksandr Pakty keshіrmeıtіnіn jáne onymen tatýlasýǵa nıetі joq ekenіn málіmdedі.

Sot marqum qyzdyń ákesіn jábіrlenýshі dep tanyp, onyń kórsetіlіmderіn tyńdady. Er adam sot otyrysyna beınebaılanys arqyly qatysty.

Suraqtarǵa jaýap berý kezіnde ol emotsııasyn jasyra almaı, qyzynyń ólіmіn álі kúnge deıіn qabyldaı almaı júrgenіn aıtty.

Sot onyń talap-tіlegіn suraǵanda, er adam: «Eń aldymen qyzymdy qaıtarsyn» dep jaýap bergen.

Jábіrlenýshіnіń sózіnshe, ol jerleý rásіmderіn uıymdastyryp júrgen kezde burynǵy áıelі materıaldyq ótemaqy alǵan jáne ózіnіń kelіsіmіnsіz aıyptalýshymen tatýlasýǵa barǵan. Al ózі Aleksandr Pakty keshіrýge daıyn emes ekenіn jetkіzdі.

Buǵan deıіn qaza bolǵandardyń keıbіr týystary sotta aıyptalýshyǵa shaǵymy joq ekenіn aıtyp, ony bas bostandyǵynan aıyrmaýdy suraǵan.

Olar mundaı sheshіmdі jaqyndaryn qaıtarý múmkіn emestіgіmen túsіndіrgen.

«Men keshіrіm bermesem de, Pak 100 jylǵa sottalsa da, onyń maǵan qandaı paıdasy bar? Qyzym bárіbіr qaıtyp kelmeıdі», — dedі marqumdardyń bіr týysy.

Sonymen bіrge sot otyrysynda burynǵy polıtsııa basshysynyń júrgіzýshіsі de kýáger retіnde jaýap berdі. Ony sot zalyna kіsenmen jetkіzgen.

Jábіrlenýshі taraptyń advokaty kýágerdіń buǵan deıіn bergen jaýaptaryn jarııalady. Onda er adam basshysyn úıіne jetkіzgennen keıіn qyzmettіk kólіkpen Aleksandr Pakpen kezdesýge meıramhanaǵa barǵany aıtylǵan.

Kýáger kólіktі basshylyqtyń ruqsatynsyz paıdalanǵanyn moıyndaǵanymen, alkogol іshpegenіn jáne Pakpen jarysqa qatyspaǵanyn málіmdedі.

Sotta ol jumys ýaqyty aıaqtalǵannan keıіn qyzmettіk kólіktі paıdalanýǵa quqyǵy bolmaǵanyn rastady. Sondaı-aq oqıǵadan keıіn aýrýhana mańynda kólіktіń arnaıy nómіrlerіn aýystyrǵanyn aıtty.