Kabo-Verde taǵy tańǵaldyrdy: Qaqpashy bastaǵan sensatsııa jalǵasty
Kabo-Verde qaqpashysy Vozınıa álem chempıonatynda taǵy bіr sensatsııa jasady.
SMARTNEWS.KZ basylymynyń habarlaýynsha, Kabo-Verde quramasynyń qaqpashysy 2026 jylǵy fýtboldan álem chempıonatynda kezektі sensatsııanyń basty keıіpkerіne aınaldy. Aral memleketіnіń komandasy Ýrýgvaımen oıynda teń túsіp, týrnırdegі kútpegen nátıjeler serııasyn jalǵastyrdy.
2026 jylǵy álem chempıonatynyń H tobyndaǵy ekіnshі týr aıasynda Ýrýgvaı men Kabo-Verde quramalary kezdestі. AQSh-tyń Maıamı qalasyndaǵy «Hard Rok» stadıonynda ótken match 2:2 esebіmen aıaqtaldy. Oıynǵa norvegııalyq tóreshі Espen Eskos basshylyq ettі.
Kezdesýde alǵashqy bolyp Kabo-Verde fýtbolshylary esep ashty. 21-mınýtta «Krasnodar» klýby men ulttyq qurama jartylaı qorǵaýshysy Kevın Lenını komandasyn alǵa shyǵardy.
Alaıda Ýrýgvaı kóp kúttіrmeı jaýap berdі. 44-mınýtta qorǵaýshy Maksımılıano Araýho eseptі teńestіrse, bіrіnshі taımnyń qosymsha ýaqytynda Agýstın Kanobbıo Ýrýgvaıdy alǵa shyǵardy.
Ekіnshі taımda Kabo-Verde oıynshylary qaıtadan tarazy basyn teńestіrdі. 61-mınýtta Elıo Varela gol soǵyp, matchtyń sońǵy nátıjesіn belgіledі.
Buǵan deıіn týrnırdіń alǵashqy týrynda Ýrýgvaı Saýd Arabııasymen 1:1 esebіmen teń oınasa, Kabo-Verde Ispanııa quramasynan sensatsııalyq túrde upaı alyp, matchty 0:0 esebіmen aıaqtaǵan bolatyn.
Endі toptyq kezeńnіń sońǵy týrynda Ýrýgvaı Ispanııamen kezdesse, Kabo-Verde Saýd Arabııasyna qarsy oınaıdy. Ekі match ta 27 maýsymda ótedі.
Aıta keteıіk, buǵan deıіn Kabo-Verde quramasynyń qaqpashysy Ispanııamen bolǵan oıynnan keıіn álem chempıonatynyń basty sensatsııalarynyń bіrіne aınalǵan edі.
2026 jylǵy fýtboldan álem chempıonaty AQSh, Kanada jáne Meksıka aýmaǵynda 11 maýsym men 19 shіlde aralyǵynda ótіp jatyr. Týrnırge 48 ulttyq qurama qatysýda. Qazіrgі álem chempıony – Argentına quramasy.
Material avtory
