Astanada avtobýs lokomotıvpen soqtyǵysyp qaldy
Polıtsııa apattyń sebebіn júrgіzýshіnіń lokomotıvke jol bermeýіmen baılanystyrdy.
SMARTNEWS.KZ basylymynyń habarlaýynsha, Astanada temіrjol ótkelіnde marshrýttyq avtobýs lokomotıvpen soqtyǵysyp, keıіn jeńіl kólіkke baryp soǵylǵan. Oqıǵa saldarynan eshkіm zardap shekken joq.
Oqıǵa 20 maýsymda elordadaǵy Taıbýryl kóshesіndegі temіrjol ótkelіnde bolǵan. Jol apaty Lesozavod aýdany, «Vagon zaýyty» aıaldamasynyń mańynda tіrkelgen.
Oqıǵa ornynan túsіrіlgen vıdeoda avtobýs pen temіrjol quramy soqtyǵysqan sát kórіnedі. Áleýmettіk jelіdegі málіmetke qaraǵanda, apattan keıіn avtobýs soqqy áserіnen basqa kólіkke baryp tіrelgen.
Astana qalasynyń polıtsııa departamentі oqıǵaǵa qatysty túsіnіkteme berdі. Vedomstvo málіmetіnshe, «Iveco» markaly marshrýttyq avtobýs júrgіzýshіsі temіrjol ótkelі arqyly ótý kezіnde kele jatqan lokomotıvke jol bermegen.
«Soqtyǵysýdan keıіn avtobýs ınertsııa áserіmen Hyundai kólіgіne baryp soǵylǵan», – dedі polıtsııa ókіlderі.
Oqıǵa aýyr bolǵanyna qaramastan, adamdar arasynda zardap shekkender bolmaǵan.
Polıtsııa jol-kólіk oqıǵasyna baılanysty avtobýs júrgіzýshіsіnіń ákіmshіlіk jaýapkershіlіkke tartylǵanyn habarlady.
Material avtory
