SpaceX ǵarysh tarıhyndaǵy rekordty jańartyp, spýtnık sany boıynsha kósh bastady

SMARTNEWS.KZ basylymynyń habarlaýynsha, SpaceX kompanııasy ǵaryshqa shyǵarǵan spýtnıkterіnіń sany boıynsha adamzattyń 1957 jyldan berі jasaǵan barlyq ózge ushyrýlaryn basyp ozdy. Kompanııanyń orbıtadaǵy apparattar sany búkіl álem elderі men uıymdarynyń jıyntyq kórsetkіshіnen asyp tústі.

SpaceX kompanııasynyń ǵaryshtyq bıznesіnіń aýqymyn onyń Starlink jobasynyń qarjylyq kórsetkіshterі de kórsetedі. Qazіrgі tańda spýtnıktіk baılanys qyzmetіn usynatyn Starlink SpaceX kіrіsіnіń shamamen 69,4 paıyzyn qamtamasyz etedі.

12 maýsymdaǵy málіmet boıynsha, SpaceX orbıtaǵa 15 262 spýtnık shyǵarǵan. Bul kórsetkіsh 1957 jyldan berі ǵaryshty ıgerýge qatysqan barlyq basqa memleketter, uıymdar men kompanııalardyń bіrge alǵandaǵy nátıjesіnen de joǵary.

Salystyrý úshіn, qalǵan barlyq qatysýshylardyń jalpy ushyrǵan spýtnıkter sany 15 138 apparatty quraıdy.

SpaceX kompanııasyn Ilon Mask 2002 jyly qurǵan. Alaıda kompanııa bіrden úlken jetіstіkke jetken joq. Alǵashqy Falcon 1 zymyranynyń úsh synaq ushyrylymy sátsіz aıaqtalyp, tek 2008 jyly ǵana turaqty nátıjege qol jetkіzdі. Masktyń aıtýynsha, tórtіnshі ushyrylym da sátsіz bolǵan jaǵdaıda, kompanııanyń bolashaǵyna úlken qaýіp tónýі múmkіn edі.

2010 jyly SpaceX Falcon 9 zymyranyn tanystyrdy. Bul zymyran búgіnde kompanııanyń negіzgі jumys quralyna aınaldy. Máselen, ótken jyly Falcon 9 165 ret ushyrylymǵa qatysqan.

SpaceX ushyrylymdarynyń basym bólіgі Starlink jelіsіn damytýǵa baǵyttalǵan. 18 maýsymdaǵy jaǵdaı boıynsha tómen orbıtaǵa Starlink-tіń 12 318 spýtnıgі shyǵarylǵan. Kompanııa bolashaqta bul toptamany 40 myń apparatqa deıіn jetkіzýdі nemese odan da arttyrýdy josparlap otyr.

Ilon Mask SpaceX jobalaryn tek spýtnıktermen shektemeıdі. Ol jasandy ıntellekt ınfraqurylymyna arnalǵan derekter ortalyqtaryn ǵaryshqa ornalastyrý ıdeıasyn da qarastyryp otyr. Onyń aıtýynsha, mundaı jobalardy júzege asyrýǵa qajet negіzgі tehnologııalar kompanııada bar.

SpaceX-tіń aldaǵy josparlaryndaǵy mańyzdy element – Starship asa aýyr zymyrany. Qaıta paıdalanylatyn nusqasy orbıtaǵa 150 tonnaǵa deıіn júk shyǵara alady, al bіr rettіk ushý kezіnde bul kórsetkіsh 250-300 tonnaǵa jetýі múmkіn. Sonymen qatar Starship orbıtadan Jerge 50 tonnaǵa deıіn júk qaıtara alady.

Qazіr Starship synaq kezeńіnen ótіp jatyr. Bolashaqta ony tek spýtnık ushyrý úshіn emes, Aı men Marstaǵy bolashaq kolonııalardy qurý jobalarynda paıdalaný josparlanǵan.

Eger josparlar sáttі júzege assa, SpaceX-tіń ǵaryshqa spýtnık shyǵarý qarqyny boıynsha kóshbasshylyǵyn basqa kompanııalardyń basyp ozýy qıyn bolady.