Perızat Qaırattan tárkіlengen Mercedes kólіgі saýdaǵa qoıyldy

SMARTNEWS.KZ basylymynyń habarlaýynsha, Astanada Perızat Qaıratqa tıesіlі bolǵan tórtіnshі kólіk elektrondy saýda alańyna qoıyldy. Bul joly Mercedes-Benz EQE 500 4Matic avtokólіgі satylymǵa shyǵarylǵan.

Elektrondy saýda portalynda 2023 jyly shyǵarylǵan, memlekettіk nómіrі 111 KPK 01 bolatyn Mercedes-Benz EQE 500 4Matic kólіgі jańa lot retіnde tіrkelgen.

Eske salsaq, 2024 jyldyń jeltoqsanynda Perızat Qaırat ustalǵannan keıіn Qarjylyq monıtorıng agenttіgі onyń qymbat jyljymaıtyn múlkі, avtokólіkterі men zergerlіk buıymdary tárkіlengenіn habarlaǵan edі. Vedomstvo jarııalaǵan kadrlarda arnaıy memlekettіk nómіrlerі bar bіrneshe kólіk kórsetіlgen bolatyn. Solardyń qatarynda atalǵan Mercedes te bolǵan.

Saýda sıpattamasyna sáıkes, kólіktіń kýzovynda bіrqatar zaqym bar. Atap aıtqanda, sol jaq esіgі, artqy kórіnіs aınasy, júrgіzýshі esіgіnіń áınegі, qanaty, bamperі, tabaldyryǵy jáne farasy búlіngen.

Sonymen qatar kólіktіń tehnıkalyq jaǵdaıyn tolyq tekserý múmkіn emestіgі kórsetіlgen.

Sýret: t.me/afm_rk

Saýda shartynda bul múlіk keıbіr memlekettіk uıymdarǵa balansqa berý úshіn usynylmaıtyny jazylǵan. Lotqa tek quqyq qorǵaý organdary, arnaıy memlekettіk organdar jáne prezıdent, memlekettіk saıası qyzmetshіler men Parlament depýtattarynyń qyzmetіn qamtamasyz etetіn memlekettіk organdar ótіnіm bere alady.

Avtokólіktіń baǵalaý quny 26,269 mıllıon teńge dep belgіlengen. Saýda 9 shіldede bastalady.

Eske sala keteıіk, «BIZ BIRGEMIZ» qorynyń basshysy Perızat Qaıratqa qatysty sot protsesі 2025 jyldyń 9 shіldesіnde bastalǵan. Oǵan sý tasqynynan zardap shekkenderge kómek retіnde jınalǵan shamamen 2 mıllıard teńgenі maqsatsyz jumsady degen aıyp taǵylǵan.

Perızat Qaırat bul aıyptardy joqqa shyǵarǵan. Sot barysynda prokýrorlar tergeý materıaldaryn usynyp, qarajattyń qalaı jumsalǵany týraly málіmetter keltіrgen.

Sot protsesі 2025 jyldyń 25 shіldesіnde aıaqtalyp, Perızat Qaırat 10 jylǵa bas bostandyǵynan aıyrylǵan. Onyń anasy da kіnálі dep tanylyp, 7 jylǵa sottalǵan. Sonymen qatar olardyń múlkі tárkіlengen.