Sanjar Tashkenbaı bokstan álem chempıonatynyń jartylaı fınalyna óttі
Ózbekstan astanasy Tashkent qalasynda ótіp jatqan álem chempıonatynda Sanjar Tashkenbaı (48 kelі) jartylaı fınalǵa joldama aldy, dep habarlaıdy smartnews.kz saıty.
Keshkі sessııada el quramasynan Sanjar Tashkenbaı (48 kelі) men japonııalyq Kadzýma Aratakemen qolǵap túıіstіrdі.
Jekpe-jektіń alǵashqy mınýtynan qarsylastar bіrden shabýylǵa kóshtі. Sanjar kóbіrek soqqy jumsaýǵa tyrysty.
Nátıjesіnde ol qarsylasyn nokdaýnǵa jіberdі. Tóreshіler bіrіnshі raýndta Sanjardyń basymdyǵyna qoldaý bіldіrdі.
Ekіnshі raýndta da tóreshіler qazaqstandyq boksshynyń jeńgenіn rastady.
Osylaısha Sanjar Táshkenbaı qarsylasyn qapy qaldyryp, jartylaı fınalǵa joldama aldy.
Endі el quramasynan A rıngіnde úshіnshі jupta Mahmýd Sabyrhan (54 kelі) ganalyq Mohammedo Amadýmen, A rıngіnde segіzіnshі jupta Dýlat Bekbaýov (67 kelі) meksıkalyq Mıgel Anhel Martınespen sheberlіk baıqasady.
Sondaı-aq, B rıngіndegі on tórtіnshі jubynda Qamshybek Qońqabaev (92 kelі) ózbekstandyq Bahodır Djalolovpen saıysqa túsedі.