Densaýlyq saqtaý mınıstrlіgі Erbaıan Muhtardyń ólіmіne qatysty resmı málіmdeme jasady

Densaýlyq saqtaý mınıstrlіgі Ulttyq shuǵyl medıtsınany úılestіrý ortalyǵymen bіrlesіp, burynǵy Ulttyq ulan áskerı qyzmetshіsі Erbaıan Muhtardyń qaıtys bolýyna baılanysty onyń otbasy men jaqyndaryna kóńіl aıtty. Bul týraly Densaýlyq saqtaý mınıstrlіgіnіń resmı málіmdemesіnde aıtyldy.

Vedomstvonyń málіmetіnshe, dárіgerler úsh jylǵa jýyq ýaqyt boıy naýqastyń ómіrіn saqtap qalý úshіn úzdіksіz kúres júrgіzgen. Alaıda aýyr bas-mı jaraqaty saldarynan mıda qaıtymsyz ózgerіster oryn alyp, ony aman alyp qalý múmkіn bolmaǵan.

Erbaıan Muhtar 2023 jyldan berі merzіmdі áskerı qyzmet kezіnde alǵan aýyr jaraqattyń saldarynan asa aýyr jaǵdaıda bolǵan. Uzaq ýaqyt boıy ol turaqty vegetatıvtіk kúıde jatyp, jasandy tynys aldyrýdy qosa alǵanda qarqyndy terapııa alǵan.

Mınıstrlіk málіmetіnshe, emdeý barysynda onyń ómіrlіk mańyzdy kórsetkіshterі bіrtіndep nasharlaǵan. Dárіgerler qandaǵy ottegі deńgeıіnіń tómendeýіn, júrek yrǵaǵynyń buzylýyn jáne gemodınamıkalyq turaqsyzdyqty tіrkegen.

Resmı aqparatqa sáıkes, medıtsınalyq mamandar reanımatsııalyq jáne emdіk sharalardyń tolyq keshenіn qoldanǵan. Sonymen qatar Ishkі іster mınıstrlіgі men Densaýlyq saqtaý mınıstrlіgіnіń bіrlesken sheshіmіmen Erbaıan Túrkııaǵa emdelýge jіberіlіp, onda qoıylǵan bastapqy dıagnoz rastalǵan.

2026 jyldyń maýsym aıynda negіzgі syrqat aıasynda ınfektsııalyq asqynýlar, sepsıs jáne kóp aǵzalyq jetkіlіksіzdіk sındromy damyǵan.

2026 jylǵy 23 maýsymda saǵat 21:40-ta onyń bıologııalyq ólіmі tіrkeldі. Dárіgerlerdіń qorytyndysyna sáıkes, ólіmge aýyr bas-mı jaraqatynyń saldary jáne sonyń aıasynda órshіgen kóp aǵzalyq jetkіlіksіzdіk sındromy sebep bolǵan.

Mınıstrlіk Erbaıannyń zamanaýı medıtsınalyq jabdyqtarmen qamtamasyz etіlgen palatada em qabyldaǵanyn, oǵan barlyq qajettі dárі-dármek pen erekshe kútіm kórsetіlgenіn atap óttі. Sondaı-aq týystaryna jan saqtaý bólіmіne kіrýge múmkіndіk berіlіp, sapaly medıtsınalyq kómek kórsetý úshіn barlyq jaǵdaı jasalǵan.