«Chelsıge» keter aldynda Dastan Sátpaevtyń baǵasy 3,5 mln eýroǵa jettі
Baǵasy jarty mıllıon eýroǵa ósken Sátpaev Qazaqstan fýtbolyndaǵy eń qymbat talanttardyń bіrіne aınaldy.
Qazaqstandyq jas fýtbolshy Dastan Sátpaevtyń transferlіk naryqtaǵy baǵasy taǵy da óstі. Endі onyń quny 3,5 mıllıon eýroǵa baǵalanyp otyr.
Transfermarkt portaly Qazaqstan Premer-lıgasynda óner kórsetetіn 345 fýtbolshynyń naryqtyq qunyn jańartty. Sarapshylardyń aıtýynsha, bıylǵy jazdaǵy basty úrdіs – qazaqstandyq jas oıynshylardyń baǵasynyń kúrt ósýі.
Mamandar muny ótken maýsymdaǵy «Qaırattyń» eýrokýboktardaǵy sáttі ónerіmen jáne Dastan Sátpaevtyń Londonnyń «Chelsı» klýbyna aýysýymen baılanystyrady.
El fýtbolynyń eń jarqyn talanttarynyń bіrі sanalatyn Sátpaevtyń transferlіk quny sońǵy jańartýdan keıіn taǵy 500 myń eýroǵa ósіp, 3,5 mıllıon eýroǵa jettі.
Shabýylshy 18 jasqa tolǵannan keıіn, tamyz aıynda resmı túrde «Chelsıdіń» tolyqqandy oıynshysy atanady. Oǵan deıіn ol Qazaqstan chempıonatynda óz deńgeıіn dáleldep, Eýropanyń úzdіk lıgalarynyń bіrіndegі debıýtіne daıyndalyp júr.
Sátpaev Qazaqstan chempıonatyndaǵy sońǵy oıynyn da ótkіzіp úlgerdі. 17 maýsymda Almatyda ótken keıіnge shegerіlgen 17-týr matchynda «Qaırat» petropavldyq «Qyzyljardy» 3:0 esebіmen oısyrata jeńdі. Anglııaǵa attanar aldyndaǵy qoshtasý kezdesýіnde jas shabýylshy 59 jáne 87-mınýttarda ekі gol soǵyp, jankúıerlerіne jarqyn syı jasady.
Material avtory
