Almatyda áıel aýlada bosandy: jedel járdem kólіgі oqıǵa ornyna jete almady
Jedel járdem brıgadasy ana men sábıdі aman alyp qaldy.
SMARTNEWS.KZ basylymynyń habarlaýynsha, Almatyda jedel járdem qyzmetkerlerі turǵyn úı keshenіnіń aýlasynda áıeldіń bosanýyn qabyldaýǵa májbúr boldy. Qazіr ana men jańa týǵan sábı dárіgerler baqylaýynda.
Oqıǵa Naýryzbaı aýdanyndaǵy Shuǵyla shaǵynaýdanynda ornalasqan turǵyn úı keshenderіnіń bіrіnde bolǵan. Áleýmettіk jelіde taraǵan aqparatqa sáıkes, áıel úı aýlasynda bosanǵan, sebebі jedel járdem kólіgі aýladaǵy kólіkterdіń kóptіgіne baılanysty oqıǵa ornyna bіrden kіre almaǵan.
Almaty qalasynyń Qoǵamdyq densaýlyq saqtaý basqarmasy málіmetіnshe, jedel járdem shaqyrtýy tańǵy saǵat 06:21-de túsken. Medıtsınalyq brıgada oqıǵa ornyna 06:31-de jetken.
Dárіgerler kelgen kezde áıel bosanýdyń belsendі kezeńіnde bolǵan. Kóp uzamaı jedel járdem brıgadasynyń zembіlіnde salmaǵy 3 370 gramm bolatyn qyz bala dúnıege kelgen.
«Qıyn jaǵdaıǵa qaramastan, medıtsına qyzmetkerlerі bosanýdy jedel qabyldap, ana men jańa týǵan nárestege qajettі kómektі kórsettі. Keıіn olar qalalyq perınataldyq ortalyqqa jetkіzіldі», — dep habarlady vedomstvo.
Qazіrgі ýaqytta ana men sábıdіń jaǵdaıy turaqty. Olar ózіn jaqsy sezіnedі jáne mamandardyń baqylaýynda.
Material avtory
