Qaraǵandydaǵy tergeý ızolıatory qyzmetkerіne sottalýshy qol kóterdі (VIDEO)

SMARTNEWS.KZ basylymynyń habarlaýynsha, Qaraǵandyda tergeý ızolıatory qyzmetkerіne shabýyl jasaǵan sottalýshyǵa qatysty sot sheshіmі qoǵam nazaryn aýdardy. Jábіrlenýshі іstіń qaralýyna qatysty kelіspeıtіnіn aıtyp, Bas prokýratýraǵa júgіndі.

Oqıǵa Qaraǵandydaǵy tergeý ızolıatorynda bolǵan. Málіmet boıynsha, Magamed Gagıev esіmdі qala turǵyny qylmystyq іske baılanysty qamaýda otyrǵan azamattyq nekedegі jubaıymen kezdesýge kelgen.

Alaıda kezdesý bólmelerіnіń bos bolmaýyna baılanysty ol rejım jáne kúzet bólіmіnіń aǵa baqylaýshysy Asel Jambaevamen sózge kelіp qalǵan. Tergeý nusqasyna sáıkes, janjal kezіnde er adam polıtsııa qyzmetkerіnіń bet tusynan qolymen urǵan. Sol mańda bolǵan basqa qyzmetkerler janjaldy toqtatýǵa tyrysqanymen, jaǵdaıdy bіrden baqylaýǵa ala almaǵan.

Oqıǵa kezіnde Gagıev shartty túrde merzіmіnen buryn bosatylǵan jaǵdaıda bolǵan. Buǵan deıіn ol Temіrtaý qalasyndaǵy túngі klýbtardyń bіrіnde jasalǵan adam óltіrý іsі boıynsha sottalǵan.

Alǵashqy sot ınstantsııasy er adamdy Qazaqstan Respýblıkasy Qylmystyq kodeksіnіń 380-baby — «Bılіk ókіlіne qatysty kúsh qoldaný» boıynsha kіnálі dep tanydy. Burynǵy jazasynyń ótelmegen bólіgі eskerіlіp, oǵan túpkіlіktі bes jyl bas bostandyǵynan aıyrý jazasy taǵaıyndalǵan.

Alaıda Qazybek bı aýdandyq sotynyń sýdıasy Alekseı An jábіrlenýshі qyzmetkerge qatysty jeke qaýly shyǵarǵan. Is materıaldaryna sáıkes, janjal kezіnde balaǵat sóz qoldanǵany úshіn Asel Jambaeva tártіptіk jaýapkershіlіkke tartylǵan.

Keıіn apellıatsııalyq sot alqasy іstі qaıta qarap, sottalýshynyń áreketіn basqa bapqa aýystyrdy. Sot onyń áreketі jeńіl dene jaraqatyn da keltіrmegenіn aıtyp, aıypty Qylmystyq kodekstіń 380-babynan 109-babyna («Uryp-soǵý») ózgerttі.

Nátıjesіnde er adamǵa bas bostandyǵynan aıyrý jazasynyń ornyna qoǵamdyq jumystar taǵaıyndaldy. Tergeý kezeńіnde qamaýda bolǵan ýaqyty eseptelіp, jaza óteldі dep tanylyp, ol bosatylǵan.

Kassatsııalyq sot bul sheshіmdі ózgerіssіz qaldyrǵan.

Al Asel Jambaeva apellıatsııalyq jáne kassatsııalyq sottardyń qorytyndylarymen kelіspeıdі. Ol advokaty Artem Shedogýbovpen bіrge Bas prokýratýraǵa ótіnіsh joldap, іstіń mán-jaılaryn tekserýdі jáne qabyldanǵan sot sheshіmderіnіń zańdylyǵyna baǵa berýdі surady.

Jábіrlenýshі taraptyń pіkіrіnshe, alǵashqy sottyń úkіmі zań talaptary men ádіldіk qaǵıdatyna kóbіrek sáıkes kelgen.

Qazіrgі ýaqytta Bas prokýratýranyń bul ótіnіshke qatysty qandaı sheshіm qabyldaıtyny belgіsіz.