Altynaı Jorabaeva Túrkııadan qymbat páter satyp alǵanyn kórsettі
Ánshі Túrkııadaǵy bedeldі keshennen úsh bólmelі páter ıelendі.
SMARTNEWS.KZ basylymynyń habarlaýynsha, ánshі Altynaı Jorabaeva Túrkııanyń Alanııa qalasynan bıznes-klass sanatyna jatatyn jańa páter satyp alǵanyn málіmdedі. Bul týraly Stan.kz aqparat agenttіgі jazdy.
Óner ıesі qýanyshty jańalyǵyn áleýmettіk jelіdegі paraqshasynda bólіstі. Ánshі Mahmýtlar aýdanynda ornalasqan Kingdom Premium turǵyn úı keshenіnen úsh bólmelі páter ıelengen.
Bes turǵyn úı blogynan turatyn keshen Alanııadaǵy bedeldі nysandardyń bіrі sanalady. Ashyq derekterge sáıkes, atalǵan keshendegі páterlerdіń baǵasy shamamen 185 myń AQSh dollarynan bastalady.
Altynaı Jorabaeva jańa baspanasyn qabyldap alý úshіn Túrkııaǵa arnaıy barǵanyn aıtty. Onyń sózіnshe, páter satyp alý týraly sheshіm qabyldamas buryn bіrneshe turǵyn úı keshenіn qarap, túrlі nusqalardy salystyrǵan.
«Bіz páterіmіzdі qabyldap alýǵa keldіk. Buǵan deıіn onyń maketіn kórsetken edіm. Kópshіlіk bul keshendі Alanııadaǵy eń úzdіk bıznes-klass turǵyn úı keshenі dep aıtyp jatyr. Menіń oıymsha, ol tek Alanııada ǵana emes, búkіl Túrkııadaǵy úzdіk jobalardyń qatarynda», – dedі ánshі.
Óner ıesі Kingdom Premium keshenіn tańdaýǵa uzaq zertteýden keıіn kelgenіn jetkіzdі. Onyń aıtýynsha, ártúrlі turǵyn úı keshenderіnіń sýretterі men beınematerıaldaryn qarap shyqqanymen, bul nysan erekshe áser qaldyrǵan.
Ánshі páterdі ekіnshі qabattan alǵanyn atap óttі. Onyń aıtýynsha, terezeden keshen aýmaǵyndaǵy akvapark kórіnedі.
Jańa baspanasyna qatysty áserіmen bólіsken Jorabaeva keshende turǵyndarǵa qajettі kóptegen jaǵdaı jasalǵanyn aıtty. Aýmaǵynda hamam, basseın, sýpermarket jáne ózge de ınfraqurylym nysandary bar.
Altynaı Jorabaeva aldaǵy ýaqytta páterіn tolyq jıһazdap, jańa úıіn ózіne jaıly keńіstіkke aınaldyrýdy josparlap otyr.
Material avtory
