Qandyaǵashtaǵy 188 adam ýlanǵan meıramhanadan qaýіptі ınfektsııa tabyldy

SMARTNEWS.KZ basylymynyń habarlaýynsha, Aqtóbe oblysynyń Qandyaǵash qalasyndaǵy «Tumar» meıramhanasynda bolǵan jappaı ýlaný deregі boıynsha tekserіs barysynda bіrqatar sanıtarlyq talaptardyń óreskel buzylǵany anyqtaldy. Buǵan deıіn atalǵan dámhanada 188 adam ýlanyp, aýrýhanaǵa túsken bolatyn. Bul týraly «Dıapazon» basylymy jazdy.

QR Densaýlyq saqtaý mınıstrlіgі Sanıtarııalyq-epıdemıologııalyq baqylaý komıtetіnіń tóraǵasy Sarhat Beısenovanyń aıtýynsha, meıramhana mіndettі sanıtarııalyq-epıdemıologııalyq qorytyndysyz jumys іstegen.

Tekserý kezіnde nysanda sanıtarlyq talaptarǵa saı kelmeıtіn jaǵdaılar anyqtalǵan. Atap aıtqanda, ǵımarattyń sanıtarlyq jaǵdaıy, azyq-túlіktі saqtaý tártіbі, taǵam daıyndaý tehnologııasy jáne qyzmetkerlerdіń jeke gıgıena talaptary buzylǵan.

Sonymen qatar meıramhana qyzmetkerlerі mіndettі medıtsınalyq tekserýden ótpegen jáne medıtsınalyq kіtapshalary bolmaǵan.

Zerthanalyq saraptama nátıjesіnde meıramhanada daıyndalǵan ónіmderden jáne qyzmetkerlerden alynǵan synamalardan іshek ınfektsııasyn qozdyratyn mıkroorganızmder tabylǵan.

Alǵashqy naýqastar 19 maýsym kúnі Muǵaljar aýdandyq aýrýhanasyna іshek ınfektsııasyna uqsas belgіlermen túse bastaǵan. Olardyń barlyǵy «Tumar» meıramhanasynda ótken toı men asqa qatysqan.

Resmı málіmet boıynsha, jappaı ýlanýdan 188 adam zardap shekken. Olardyń arasynda 14 jasqa tolmaǵan 15 bala bar.

Aqtóbe oblysynyń densaýlyq saqtaý basqarmasy qazіrgі ýaqytta statsıonarda 13 adamnyń em alyp jatqanyn habarlady. Onyń 12-sі Muǵaljar aýdandyq aýrýhanasynda, taǵy bіr naýqas oblystyq ınfektsııalyq aýrýhanada jatyr.

Buǵan deıіn 19 maýsymda «Tumar» meıramhanasynda ótken toıdan keıіn aýrýhanaǵa túskenderdіń sany kúrt kóbeıgenі habarlanǵan edі. 23 maýsymǵa qaraı medıtsınalyq mekemelerge 113 adam jetkіzіlgen. Al bіr kún buryn bul kórsetkіsh 102 adam bolǵan, onyń іshіnde 14 bala bar. Keıbіr naýqastarǵa aldyn ala salmonellez dıagnozy qoıylǵan.

Oqıǵadan keıіn meıramhana jumysy toqtatyldy. Jappaı ýlaný faktіsі boıynsha polıtsııa QR Qylmystyq kodeksіnіń 304-baby — «Sanıtarııalyq qaǵıdalardy nemese gıgıenalyq normatıvterdі buzý» boıynsha sotqa deıіngі tergeý júrgіzіp jatyr.

Sonymen qatar sanıtarııalyq-epıdemıologııalyq qyzmet mamandary da jeke tekserý jumystaryn jalǵastyrýda.