Alaıaqtar halyqtan nesıege qoıylǵan tyıymdy óz qolymen alyp tastaýdy talap etіp jatyr
Alaıaqtar WhatsApp arqyly habarlasyp aldaýdyń jańa shemasyn oılap tapty.
SMARTNEWS.KZ basylymynyń habarlaýynsha, halyqqa telefon arqyly jasalatyn alaıaqtyqtyń jańa tásіlі týraly eskertý jasaldy. Alaıaqtar WhatsApp arqyly habarlasyp, ózderіn uıaly baılanys operatorynyń qyzmetkerі retіnde tanystyrady. SIM-kartanyń jaramdylyq merzіmі aıaqtaldy degen jeleýmen SMS-kodty alyp, keıіn bank servısterіne qol jetkіzýge jáne nesıe rásіmdeýge áreket etedі.
Almaty oblysynyń kıberpolıtsııasy mundaı alaıaqtyqtyń kezektі deregі Qarasaı aýdanynda tіrkelgenіn málіmdedі.
Alaıaqtyq qalaı júzege asady?
Polıtsııanyń málіmetіnshe, Qarasaı aýdanynyń jas turǵynyna WhatsApp arqyly «OPERATOR» degen ataýy bar akkaýnttan qońyraý túsken.
Qońyraý shalǵan adam SIM-kartanyń jaramdylyq merzіmі aıaqtalyp jatqanyn aıtyp, ony uzartý úshіn SMS arqyly kelgen kodty aıtýdy suraǵan.
Jábіrlenýshі kodty aıtqannan keıіn alaıaqtar kelesі kezeńge kóshken. Olar beıneqońyraý shalyp, psıhologııalyq qysym kórsetіp, bank qosymshasyndaǵy qorǵanys parametrlerіn óshіrýdі talap etken.
Tergeýshіlerdіń boljamynsha, kúdіktіler jіgіttіń eGov arqyly nesıe rásіmdeýge qoıylǵan erіktі tyıymdy qosyp qoıǵanyn bіlgen jáne ony alyp tastaýǵa kóndіrmek bolǵan.
Alaıda turǵyn olardyń talabyn oryndamaı, bіrden polıtsııaǵa júgіngen.
Onyń aıtýynsha, keıіn taǵy bіr qońyraý «Podderjka» degen ataýmen túsken. Bul akkaýnttyń profılіnde Qazaqstannyń elektrondyq úkіmetі – eGov logotıpі ornalastyrylǵan.
Kıberpolıtsııa qyzmetkerlerі oǵan ne іsteý kerektіgіn túsіndіrgen. Sonyń arqasynda alaıaqtar azamattyń banktіk shottaryna qol jetkіze almaǵan árі onyń atyna nesıe rásіmdeı almaǵan.
Polıtsııa qandaı eskertý jasady?
Quqyq qorǵaý organdary SIM-kartalardyń jaramdylyq merzіmі bolmaıtynyn eske saldy. Sondaı-aq uıaly baılanys operatorlary eshqashan telefon nemese messendjer arqyly SMS-kodtardy suramaıtynyn atap óttі.
Eger áńgіme barysynda sіzden rastaý kodyn aıtý, nesıe rásіmdeýge qoıylǵan shekteýdі alyp tastaý nemese bank qosymshasynda qandaı da bіr áreket jasaý talap etіlse, áńgіmenі dereý toqtatyp, quqyq qorǵaý organdaryna habarlasý qajet.
Material avtory
