Oralda jіgіt urlaǵan aıǵyrmen qashpaq boldy
Quny 1,2 mln teńgelіk aıǵyrdy mіnіp ketken kúdіktі ustaldy.
SMARTNEWS.KZ basylymynyń habarlaýynsha, Oral qalasynda polıtseıler quny 1,2 mıllıon teńge bolatyn aıǵyrdy urlady degen kúdіkpen 24 jastaǵy turǵyndy ustady. Kúdіktі jylqyny urlaǵannan keıіn ony mіnіp, oqıǵa ornynan boı tasalaýǵa árekettengen.
Batys Qazaqstan oblysy polıtsııa departamentіnіń málіmetіnshe, oqıǵa túngі ýaqytta qalanyń shaǵynaýdandarynyń bіrіnde bolǵan.
Aldyn ala málіmet boıynsha, belgіsіz adam jeke turǵyn úıdіń aýlasynan ekі jastaǵy aıǵyrdy urlap ketken. Urlyqtan keıіn kúdіktі jylqyny mіnіp, іzіn sýytqan. Keltіrіlgen materıaldyq shyǵyn kólemі 1,2 mıllıon teńgenі qurady.
Jedel-іzdestіrý sharalary barysynda krımınaldyq polıtsııa qyzmetkerlerі kúdіktіnіń jeke basyn anyqtady. Ol – Oral qalasynyń 24 jastaǵy turǵyny.
Kúdіktі ustalyp, óz kіnásіn moıyndaǵan.
Polıtseıler urlanǵan aıǵyrdy taýyp, zańdy ıesіne qaıtardy.
Atalǵan derek boıynsha mal urlyǵy faktіsіmen sotqa deıіngі tergeý bastaldy. Qazіr oqıǵanyń barlyq mán-jaıy anyqtalyp jatyr.
Material avtory
