AQSh Iran munaıyna qarsy sanktsııalardy qaıta kúsheıttі
Ormýz buǵazyndaǵy shabýyldardan keıіn Vashıngton Iranǵa jańa shekteý qoıdy.
SMARTNEWS.KZ basylymynyń habarlaýynsha, AQSh Iran munaıynyń satylýyna qatysty sanktsııalardy qaıta kúshіne engіzdі. Bul sheshіm Ormýz buǵazy mańynda munaı jáne suıytylǵan tabıǵı gaz tasymaldaıtyn tankerlerge jasalǵan shabýyldar týraly habarlardan keıіn qabyldandy. .
Jańa shekteýler jarııalanǵannan keıіn álemdіk munaı baǵasy 5 paıyzdan astam qymbattady.
AQSh ákіmshіlіgіnіń ókіlі Ormýz buǵazynda kemelerge jasalǵan shabýyldardy «múlde jol berýge bolmaıtyn áreket» dep baǵalap, onyń saldary bolatynyn málіmdedі.
Buǵan deıіn AQSh Qarjy mınıstrlіgі Vashıngton men Tegeran arasyndaǵy qoldanystaǵy kelіsіm aıasynda 21 tamyzǵa deıіn Iran munaıyn satýǵa ruqsat bergen edі. Alaıda jańa sheshіmge sáıkes bul ruqsattyń merzіmі 17 shіldege deıіn qysqartyldy.
Ulybrıtanııanyń teńіz keme qatynasy qaýіpsіzdіgі jónіndegі UKMTO agenttіgіnіń málіmetіnshe, sońǵy kúnderі Ormýz buǵazy men oǵan іrgeles akvatorııada úsh tanker belgіsіz snarıadtardyń tıgenі týraly habarlaǵan.
Soǵan qaramastan AQSh ókіlderі Tegeranmen túpkіlіktі kelіsіmge qol jetkіzýge baǵyttalǵan kelіssózderdіń adal árі konstrýktıvtі túrde jalǵasyp jatqanyn aıtty.
Iran úshіn munaı eksporty – negіzgі valıýtalyq kіrіs kózderіnіń bіrі. Ol memleket qazynasyna mıllıardtaǵan dollar túsіrіp, uzaq jyldar boıy AQSh sanktsııalarynyń qysymynda turǵan el ekonomıkasyn qoldap keledі.
Material avtory
