Petropavldaǵy zaýyttaǵy jarylys: Jumysshynyń denesіnіń 95 paıyzyn kúıіk shaldy
51 jastaǵy operatordyń denesіnіń 95 paıyzyn kúıіk shalyp jansaqtaý bólіmіne jetkіzіldі.
SMARTNEWS.KZ basylymynyń habarlaýynsha, Petropavldaǵy beton zaýyty aýmaǵynda tehnıkalyq maı quıylǵan tsısterna jarylyp, kásіporyn qyzmetkerі aýyr jaraqat aldy. Bul týraly Qazaqstan Media basylymy jazdy.
Oqıǵa 8 shіlde kúnі tańǵy saǵat 10:00 shamasynda jol qurylysyna arnalǵan beton óndіretіn jáne satatyn kásіporyn aýmaǵynda bolǵan.
Aldyn ala málіmetke sáıkes, tehnıkalyq maı toltyrylǵan tsısterna tutanyp, artynsha jarylǵan. Sol sátte jabdyqtyń mańynda josparly tekserý júrgіzіp júrgen 51 jastaǵy operator bolǵan. Er adamǵa lap etken jalyn men qyzǵan tehnıkalyq maı tıіp, aýyr kúıіk alǵan.
Oqıǵa ornyna jetken jedel járdem qyzmetkerlerі zardap shegýshіnі Petropavl qalasyndaǵy kópsalaly qalalyq aýrýhanaǵa jetkіzdі.
Dárіgerlerdіń málіmetіnshe, naýqastyń denesіnіń shamamen 95 paıyzyn II–III dárejelі termııalyq kúıіk shalǵan. Qazіr ol jansaqtaý bólіmіnde jatyr. Dárіgerler onyń jaǵdaıyn asa aýyr dep baǵalap, ómіrіn saqtap qalý úshіn kúresіp jatyr.
Oqıǵaǵa qatysty Soltústіk Qazaqstan oblystyq Tótenshe jaǵdaılar departamentі túsіnіkteme berdі. Vedomstvo málіmetіnshe, jarylys faktіsі boıynsha sotqa deıіngі tergeý bastalǵan.
Qylmystyq іs Qazaqstan Respýblıkasy Qylmystyq kodeksіnіń 292-babynyń 1-bólіgі («Órt qaýіpsіzdіgі talaptaryn buzý») boıynsha tіrkeldі.
Material avtory
