Atyraýda ózіn ańdyǵan árіptesіn kapotta alyp ketken polıtsııa qyzmetkerіne úkіm shyqty

SMARTNEWS.KZ basylymynyń habarlaýynsha, Atyraýda ózіn bіrneshe aı boıy ańdydy dep málіmdegen árіptesіn kólіktіń kapotynda alyp ketken polıtsııa qyzmetkerіne sot úkіmі shyqty. Bul týraly HALYQSTAN Telegram-arnasy jazdy. 

Áleýmettіk jelіlerde taraǵan málіmetke sáıkes, 23 jastaǵy polıtsııa qyzmetkerі Symbat Tanatarovaǵa qatysty sot protsesі aıaqtaldy. Bіr jylǵa jýyq qoǵam talqysyna túsken bul oqıǵa qorǵaýshylar tarapynan Qazaqstandaǵy eń daýly stalkıng іsterіnіń bіrі retіnde baǵalanǵan. Alaıda sot sheshіmі boıynsha kіnálі dep Tanatarovanyń ózі tanyldy.

Is materıaldaryna sáıkes, Symbat Tanatarova men Qanat Ershan oqý kezіnde tanysyp, keıіn ekeýі de polıtsııa organdarynda qyzmet atqarǵan. Qyzdyń aıtýynsha, qarym-qatynas aıaqtalǵannan keıіn burynǵy árіptesі bіrneshe aı boıy ony mazalap, kezdesýge májbúrlegen, sońynan qalmaı júrgen, WhatsApp arqyly balaǵat habarlamalar joldap, sóılespese ózіne qol jumsaıtynyn aıtyp qorqytqan.

15 sáýіr kúnі Qanat Ershan Atyraýǵa kelgen. Kúndіz ekeýі kezdeskenіmen, áńgіme janjalmen aıaqtalǵan. Sol kúnі keshke ol Tanatarovanyń úıіne qaıta baryp, syrtqa shyǵýyn talap etken. Qyzdyń sózіnshe, ol aıǵaılap, terezenі urǵan. Sol kezde úıde onyń kámeletke tolmaǵan balasy bolǵan.

Kórshіsіnen kómek suraǵanymen, eshkіm aralaspaǵan soń, Tanatarova kólіgіne otyryp, esіkterіn іshіnen qulyptap alǵan. Osy kezde Ershan kólіk esіkterіn ashýǵa árekettenіp, áıeldіń ketpek bolǵanyn kórgende kapotqa sekіrіp shyqqan.

Soǵan qaramastan kólіk qozǵalyp ketken. Bіrneshe kóshe ótken soń burylys kezіnde er adam kapottan qulap, aýyr jaraqat alǵan. Onyń bas súıegі, qabyrǵalary men buǵanasy synyp, ashyq bas-mı jaraqatyn alǵan. Keıіn komaǵa túsіp, bіraz ýaqyttan soń ǵana esіn jıǵan.

Qorǵaýshylar Tanatarova eshkіmge qasaqana zııan keltіrýdі maqsat etpegenіn, tek úıіnde qalǵan balasyn qaýіpten qorǵaý úshіn oqıǵa ornynan ketýge tyrysqanyn aıtty. Sondaı-aq olar bіrneshe aıǵa sozylǵan ańdý áreketterіne quqyqtyq baǵa berіlmegenіn málіmdedі.

Alaıda sot basqa qorytyndyǵa keldі. Úkіmde Tanatarovanyń er adamnyń kapotta turǵanyn bіle tura kólіktі júrgіzgenі jáne aýyr zardaptyń aldyn alamyn dep eseptegenі kórsetіlgen. Osyǵan baılanysty onyń áreketі abaısyzda densaýlyqqa aýyr zııan keltіrý retіnde saralandy.

Sot Symbat Tanatarovany Qazaqstan Respýblıkasy Qylmystyq kodeksіnіń 114-baby 3-bólіgі boıynsha kіnálі dep tanyp, alty aıǵa bas bostandyǵyn shekteý jazasyn taǵaıyndady. Keıіn Konstıtýtsııanyń 30 jyldyǵyna baılanysty jarııalanǵan raqymshylyqqa іlіnіp, jazadan bosatyldy.

Sonymen qatar sot onyń árіptesіne moraldyq zııan úshіn 1 mıllıon teńge ótemaqy tóleý týraly sheshіm shyǵardy.

Al qorǵaýshylar stalkıng dep baǵalaǵan Qanat Ershannyń áreketterіne sot barysynda jeke quqyqtyq baǵa berіlgen joq.