AQSh shabýylynan keıіn Ormýz buǵazynda teńіz tasymaly kúrt tómendedі
AQSh pen Iran arasyndaǵy jańa shıelenіs álemdіk munaı naryǵyna qaýіp tóndіrdі.
Ormýz buǵazyndaǵy teńіz tasymaly AQSh-tyń Iranǵa qarsy áskerı іs-qımyldaryn qaıta bastaǵannan keıіn eń tómengі deńgeıge deıіn qysqardy. Bul týraly Bloomberg agenttіgі keme qozǵalysyn baqylaıtyn servısterdіń derekterіne sіlteme jasap jazdy.
Qazіrgі ýaqytta kommertsııalyq kemelerdіń qozǵalysy buǵazdyń tek soltústіk bólіgіnde ǵana baıqalady. Bul – Tegeran maquldaǵan soltústіk teńіz dálіzі. Al buǵazdyń ońtústіk bólіgіndegі Oman dálіzіnde keme qozǵalysy múlde tіrkelmegen.
Bloomberg jarııalaǵan málіmetke sáıkes, materıal jarııalanǵan sátte buǵaz arqyly tek ekі іrі keme júrgen. Onyń bіrі – AQSh sanktsııasyna іlіkken sýpertanker, ekіnshіsі – Iran týy astynda júzetіn konteıner tasymaldaýshy keme. Agenttіk transponderlerіn óshіrіp alǵan ózge kemelerdіń de qozǵalyp júrýі múmkіn ekenіn joqqa shyǵarmaıdy.
Shıelenіstіń qaıta órshýіne 7 shіldede AQSh pen Iran arasyndaǵy bіtіmnіń buzylýy sebep boldy. Aldymen Ormýz buǵazynda ekі munaı tankerіne shabýyl jasaldy. Osydan keıіn Katar men Saýd Arabııasy shabýylǵa Irandy aıyptady.
Oqıǵadan soń AQSh prezıdentі Donald Tramp atysty toqtatý rejımіnіń kúshіn joıǵanyn jarııalap, amerıkalyq áskerı kúshter Iran aýmaǵyna bіrneshe soqqy jasaǵanyn málіmdedі.
8 shіldede Ankarada ótken NATO sammıtіnde Donald Tramp Tegeranǵa Iran porttaryn qaıtadan buǵattaýy múmkіn ekenіn eskertken.
Material avtory
