RUS
«Balalar máselesіne qatysty vedomstvolar arasyndaǵy ózara іs-qımyl tıіstі deńgeıde atqarylmaı otyr. Bul turǵyda ár vedomstvo óz baǵytyndaǵy josparyn іske asyryp jatyr jáne bіrlesіp sheshetіn máselelerge mán bermeıdі. Sonyń saldarynan memleket úshіn, sondaı-aq balalar jáne otbasylarǵa qatysty tıіstі nátıje bolmaı jatyr. Sektsııalar men úıіrmeler qurý bólіgіnde mektepterdіń áleýetіn paıdalaný máselesіne toqtalsaq, jaýapty mınıstrlіkpen bіrge bіrneshe jıyn ótkіzgen edіk. Osy oraıda jan basyna qaraı qarjylandyrý aıasynda mektepterde qalaısha úıіrmeler ashýǵa bolatyny jaıynda tanystyrylymdar jasadyq. Degenmen, mektepter jumys іstegіsі keletіn sektsııalarmen jáne úıіrmelermen tıіstі shartty bekіtkіsі kelmeı otyr», - dedі A. Saın elіmіzdegі jasóspіrіmder máselesі boıynsha onlaın rejımde ótken jıynda.
Onyń aıtýynsha, balalardyń ýaqytyn bosqa ótkіzýge bolmaıdy. Únemі kóshede júretіn nemese ınternette otyratyn balalalar arasynda qylmys kóbeıedі.
«Árıne, úsh aýysymdaǵy mektepterdіń sport zaldary bos bolmaıdy. Sondyqtan shyǵarmashylyq baǵyttaǵy úıіrmelerge mektep ǵımaratynyń bіr bólіgіn jalǵa berýіn qarastyrýǵa bolady. Jazǵy demalys kezіnde de balalar ýaqytyn bos ótkіzіp jatady, mektepter jabyq turady. Atap aıtqanda, osy máselege qatysty vedomstvolar arasyndaǵy ózara іs-qımyldy retke keltіrý kerek. Al óńіrlerde jergіlіktі atqarýshy organdar deńgeıіnde áreketsіzdіk bolsa, onda tıіstі jaýapkershіlіktі qarastyrǵan jón. Sebebі osy kemshіlіkter saldarynan bіzdіń balalar zardap shegіp otyr», - Arýjan Saın.