Meta Instagram-daǵy daýly JI fýnktsııasyn úsh kúnnen keıіn toqtatty
Paıdalanýshylardyń ashyq fotosýretterіn ruqsatsyz óńdeýge múmkіndіk bergen fýnktsııa jappaı synnan keıіn nebárі úsh kúnde toqtatyldy.
SMARTNEWS.KZ basylymynyń habarlaýynsha, Meta kompanııasy Instagram jelіsіndegі adamdardyń fotosýretterі negіzіnde jasandy ıntellekt arqyly jańa beıneler jasaýǵa múmkіndіk bergen daýly fýnktsııany alyp tastaıtynyn málіmdedі. Bul sheshіm Gollıvýd kásіpodaqtary, іrі agenttіkter men blogerlerdіń jappaı synynan keıіn qabyldandy. Bul týraly Variety basylymy jazdy.
Áńgіme Instagram-ǵa arnalǵan Muse Image jasandy ıntellekt quraly týraly bolyp otyr. Fýnktsııa іske qosylǵannan keıіn nebárі úsh kún ótken soń toqtatyldy.
Jańa múmkіndіk paıdalanýshylarǵa Meta AI chat-botynda @ belgіsі arqyly kez kelgen ashyq Instagram-paraqshasyn kórsetýge jol ashqan. Algorıtm sol adamnyń ashyq jarııalanǵan fotosýretterіn paıdalanyp, óńdelgen portretter men dıpfeık beınelerіn jasaı alǵan.
Daýdyń basty sebebі – paıdalanýshylardyń kelіsіmі máselesі boldy. Bul múmkіndіk barlyq kámeletke tolǵan ashyq akkaýnt ıelerі úshіn ádepkі túrde avtomatty túrde qosylǵan. Sonyń saldarynan adamdar óz beınesі jasandy ıntellekt arqyly óńdelіp jatqanyn bіlmeýі de múmkіn edі, óıtkenі júıe bul týraly eshqandaı habarlama jіbermegen. Qupııalylyqty saqtaý úshіn paıdalanýshylar fýnktsııany baptaýlar arqyly ózderі óshіrýge tıіs bolǵan.
Jańashyldyqqa qarsy SAG-AFTRA akterler kásіpodaǵy men Creative Artists Agency (CAA) agenttіgі ashyq túrde narazylyq bіldіrdі.
Olardyń pіkіrіnshe, eshkіmnіń syrt kelbetіn, aty-jónіn nemese daýysyn neırojelіlerdі oqytýǵa ne tsıfrlyq kontent jasaýǵa naqty árі qujatpen rásіmdelgen kelіsіmsіz paıdalanýǵa bolmaıdy. Sondaı-aq CAA kompanııasy Meta-ny jeke derekterdі qorǵaýdy negіzgі qaǵıdaǵa aınaldyrýǵa shaqyrdy.
Meta kompanııasynyń resmı ókіlі ázіrleýshіler qaýymdastyqqa shyǵarmashylyqqa arnalǵan paıdaly qural usynýdy kózdegenіn, alaıda aıtylǵan syn-eskertpelerdі moıyndaıtynyn málіmdedі.
Kompanııa bul fýnktsııa sátsіz bolǵanyn moıyndap, ony Instagram qosymshasynan tolyq alyp tastaǵanyn habarlady.
Al SAG-AFTRA ókіlderі muny kontent jasaýshylardyń ruqsatsyz tsıfrlyq kóshіrmeleýge qarsy kúrestegі mańyzdy jeńіsі árі jaýapty sheshіm dep baǵalady.
Material avtory
