Aqtóbe oblysynda 15 jasar qyzdy zorlady degen kúdіktі ustaldy
Mektep oqýshysynyń zorlady degen kúdіktі qamaýǵa alyndy.
SMARTNEWS.KZ basylymynyń habarlaýynsha, Aqtóbe oblysynda 15 jastaǵy qyzǵa qatysty zorlaý deregі boıynsha qylmystyq іs tergelіp jatyr. Kúdіktі ustalyp, ýaqytsha ustaý ızolıatoryna qamaldy.
Basylymnyń málіmetіnshe, áleýmettіk jelіlerde taraǵan aqparatqa sáıkes, oqıǵa 19 mamyr kúnі bolǵan.
Derekke sáıkes, mektep oqýshysy qurbysymen serýendep júrgennen keıіn onyń úıіne barǵan. Sol jerde qurbysynyń 22 jastaǵy aǵasy bolǵan. Zardap shekken qyz ony bala kezіnen tanıtyny aıtylǵan.
Jarııalanǵan málіmet boıynsha, osy kezde kúdіktі qyzǵa jynystyq zorlyq kórsetken.
Aqparatta oqıǵadan keıіn jasóspіrіm uzaq ýaqyt boıy bolǵan jaǵdaı týraly eshkіmge aıtpaǵany kórsetіlgen. Týystarynyń aıtýynsha, oǵan ólіmmen qorqytý arqyly qysym jasalǵan.
Bіrshama ýaqyt ótken soń qyz bolǵan jaıtty aǵasyna aıtyp bergen. Osydan keıіn ol bіrden polıtsııaǵa júgіngen.
Qaýіpsіzdіk maqsatynda jábіrlenýshіnіń ápkesі qyzdy aýyldan qalaǵa alyp ketken.
Aqtóbe oblysy Polıtsııa departamentі atalǵan faktі boıynsha sotqa deıіngі tergeý bastalǵanyn rastady. Vedomstvonyń málіmetіnshe, kúdіktіnіń jeke basy anyqtalyp, ol ýaqytsha ustaý ızolıatoryna qamalǵan. Qazіr oqıǵanyń barlyq mán-jaıyn anyqtaýǵa baǵyttalǵan qajettі tergeý áreketterі júrgіzіlіp jatyr.
Material avtory
