«Sýıtsıd jasamaq boldy»: Astanada ótіrіk ofıtser qyzdy ıntım vıdeomen bopsalaǵan

SMARTNEWS.KZ basylymynyń habarlaýynsha, Astanada 18 jastaǵy boıjetken ıntımdіk beınejazba arqyly jasalǵan bopsalaýdan keıіn ózіne qol jumsamaq bolǵan. Onyń ómіrіn týystary der kezіnde aralasyp, aman alyp qalǵan. Bul týraly advokat Damır Ishmametov jazdy.

Advokattyń aıtýynsha, oqıǵa 2025 jyldyń sońynda bastalǵan. Boıjetken áleýmettіk jelіde ózіn Memlekettіk kúzet qyzmetіnіń ofıtserі retіnde tanystyrǵan jіgіtpen tanysqan. Ekeýіnіń arasynda jaqyn qarym-qatynas ornaǵan.

Keıіn jіgіt qyzdy úıіne shaqyryp, іshіmdіk bergen. Osydan keıіn boıjetken esіnen tanyp qalǵanyn, al oıanǵanda eshqandaı kúmán týdyrmaǵanyn aıtqan. Alaıda arada bіraz ýaqyt ótken soń jіgіt WhatsApp arqyly onyń jalańash kúıde túsіrіlgen beınejazbasyn jіberіp, ony ákesіne taratatynyn aıtyp qorqyta bastaǵan.

Advokattyń málіmetіnshe, kúdіktі qyzdan ózіmen jynystyq qatynasqa túsýdі talap etіp qana qoımaı, ózge er adamdarmen de jaqyn qatynasqa barýyn talap etken.

Osydan keıіn boıjetken polıtsııaǵa júgіngen. Alaıda advokattyń sózіnshe, Qylmystyq kodekstіń 123-baby (jynystyq qatynasqa májbúrleý) jeke aıyptaý sanatyna jatatyndyqtan, jábіrlenýshі sotqa ózі júgіnіp, aıypty dáleldeýge májbúr bolǵan.

Tarap sotqa hat almasýlardy, telefon qońyraýlaryn jáne notarıaldy túrde rásіmdelgen dálelderdі usynǵan.

Sot barysynda aıyptalýshy kіnásіn tolyq moıyndap, ókіnetіnіn málіmdegen. Sondaı-aq onyń Memlekettіk kúzet qyzmetіnіń ofıtserі emes, áýejaıdyń qaýіpsіzdіk qyzmetіnde jumys іsteıtіnі anyqtalǵan.

Advokattyń aıtýynsha, qoldanystaǵy zań boıynsha bul baptaǵy jaza aıyppulmen shektelýі múmkіn bolǵandyqtan, taraptar moraldyq shyǵyndy óteý týraly kelіsіmge kelgen. Aıyptalýshy ótemaqy tólep, jábіrlenýshіmen tatýlasqannan keıіn sot іstі toqtatqan.

Damır Ishmametov mundaı іsterge qatysty Qylmystyq kodekstіń 123-babyn qatańdatý qajet dep sanaıdy. Onyń pіkіrіnshe, jynystyq qatynasqa májbúrleý áreketі aýyr qylmys retіnde qarastyrylyp, oǵan kózdelgen jaýapkershіlіk kúsheıtіlýі tıіs.