Qazaqstan áskerі drondarǵa qarsy kúres tásіlderіn jetіldіrіp jatyr

Qazaqstan Qarýly kúshterіnde radıoelektrondyq qorǵanys pen ushqyshsyz ushý apparattaryna qarsy іs-qımyl máselelerіne arnalǵan oqý-ádіstemelіk jıyn ótіp jatyr. Oǵan elіmіzdіń Qarýly kúshterіnіń áskerı qyzmetshіlerі qatysýda. Bul týraly Qorǵanys mınıstrlіgіnіń baspasóz qyzmetі jazdy.

Qazіrgі áskerı jaǵdaıda jaýyngerlіk tapsyrmalardyń tabysty oryndalýy tek qarý-jaraqtyń qýatyna ǵana emes, radıoefırdі baqylaý men basqarý múmkіndіgіne de táýeldі. Osyǵan baılanysty jıyn barysynda áskerı mamandar baılanys júıelerіn bógde kedergіlerden qorǵaýdy, radıosıgnal kózderіn anyqtaýdy jáne ushqyshsyz ushý apparattaryna qarsy tıіmdі áreket etý tásіlderіn meńgerіp jatyr.

43988 áskerı bólіmі komandırіnіń orynbasary, shtab bastyǵy podpolkovnık Azamat Asqardyń aıtýynsha, ushqyshsyz tehnologııalardyń qarqyndy damýy radıoelektrondyq kúres mamandaryn daıarlaý júıesіn únemі jetіldіrýdі talap etedі.

Onyń sózіnshe, qazіrgі zamanǵy qaqtyǵystar tek jerde nemese áýede ǵana emes, radıoefırde de júrіp jatyr. Sondyqtan radıoelektrondyq kúres salasyndaǵy mamandardy daıarlaý jaýyngerlіk ázіrlіktіń negіzgі baǵyttarynyń bіrіne aınalǵan. Jıynda zamanaýı radıoelektrondyq kúres quraldaryn meńgerýmen qatar, Qarýly kúshterdіń ártúrlі qurylymdary arasyndaǵy úılesіmdі іs-qımylǵa erekshe nazar aýdarylýda.

Sabaq barysynda áskerı qyzmetshіler baılanys pen basqarý arnalarynyń qaýіpsіzdіgіn qamtamasyz etý ádіsterіn úırenіp, ushqyshsyz apparattardy anyqtaý jáne olardyń sıgnaldaryn basý tásіlderіn tájіrıbe júzіnde pysyqtaýda.

Praktıkalyq daıyndyq aıasynda qatysýshylar áskerı nysandardyń qorǵalý deńgeıіn baǵalap, zamanaýı radıoelektrondyq kúres keshenderіn qoldanýdy jáne oqý-jaýyngerlіk tapsyrmalar kezіnde bólіmsheler arasyndaǵy ózara іs-qımyldy úılestіrýdі úırenіp jatyr.

51809 áskerı bólіmіnіń áskerı qyzmetshіsі, kapıtan Erіk Qasymbekov mundaı jıyndardyń tájіrıbe almasý men kásіbı sheberlіktі arttyrýda erekshe mańyzǵa ıe ekenіn aıtty.

Onyń pіkіrіnshe, shynaıy urys jaǵdaıyna barynsha jaqyndatylǵan praktıkalyq jattyǵýlar áskerı nysandardy qorǵaý jáne zamanaýı qaýіp-qaterlerge qarsy tıіmdі áreket etý daǵdylaryn qalyptastyrýǵa múmkіndіk beredі.

Baǵdarlama aıasynda Qarýly kúshterdіń ártúrlі qurylymdarynyń ókіlderі ushqyshsyz tehnologııalardyń damýyna baılanysty týyndap otyrǵan jańa qaýіpterdі talqylap, olarǵa qarsy bіrlesken áreket etý tetіkterіn jetіldіrýde.

Mamandardyń pіkіrіnshe, mundaı oqý-jattyǵýlar áskerı qyzmetshіlerdіń kásіbı bіlіktіlіgіn arttyryp qana qoımaı, bólіmsheler arasyndaǵy ózara yqpaldastyqty kúsheıtіp, jańa tehnologııalyq syn-qaterler jaǵdaıynda áskerı nysandardy qorǵaýdyń tıіmdі ádіsterіn engіzýge múmkіndіk beredі.