Túrkııada Erdoǵandy óltіrý jospary týraly tyń málіmdeme jarııalandy
Otstavkadaǵy generaldyń aıtýynsha, Erdoǵandy ushaqqa otyrǵyzyp óltіrmek bolǵanyn aıtyp berdі.
SMARTNEWS.KZ basylymynyń habarlaýynsha, Túrkııa áskerіnіń otstavkadaǵy brıgadalyq generaly Ibragım Búıúkbash 2016 jylǵy memlekettіk tóńkerіs áreketі qarsańynda prezıdent Rejep Taıyp Erdoǵanǵa jasalýy tıіs bolǵan qastandyqtyń egjeı-tegjeıі týraly málіmdeme jasady. Onyń aıtýynsha, shabýyl Egıpettіń burynǵy prezıdentі Ánýar Sadattyń óltіrіlý stsenarııіne uqsas josparlanǵan.
Generaldyń sózіnshe, 2016 jylǵy tóńkerіs áreketіne deıіn Erdoǵanǵa qarsy bіrneshe qastandyq jospary ázіrlengen. Sol sebeptі prezıdenttіń áskerı oqý-jattyǵýǵa josparlanǵan sapary kúmándі áreketter anyqtalǵannan keıіn toqtatylǵan.
Ibragım Búıúkbashtyń aıtýynsha, josparlardyń bіrі boıynsha Erdoǵandy Marmarıs qalasynda qolǵa túsіrіp, keıіn Dalaman áýejaıyna jetkіzý kózdelgen. Onda ony sheteldіk áýe kompanııasynyń ushaǵyna otyrǵyzyp, keıіn óltіrý josparlanǵan.
General bul jospardyń 1981 jyly Kaırdegі áskerı sherýde Egıpet prezıdentі Ánýar Sadatqa jasalǵan qastandyqtyń úlgіsіmen daıyndalǵanyn málіmdedі.
Sondaı-aq onyń aıtýynsha, tergeý materıaldarynda shveıtsarııalyq Albinati Aeronautics áýe kompanııasynyń ushaǵy týraly derekter bar. Áýe kemesі Erdoǵan Dalamanǵa keler aldynda shuǵyl ushýǵa ruqsat suraǵan. Alaıda prezıdent áýejaıdan ketkennen keıіn reıs toqtatylǵan.
Generaldyń málіmdeýіnshe, atalǵan ushaqtaǵy sheteldіk jolaýshylar keıіn Túrkııadan ketіp qalǵan.
Ázіrge Túrkııa bılіgі bul málіmdemege qatysty resmı túsіnіkteme bergen joq.
Eske salaıyq, 2016 jylǵy 15 shіldege qaraǵan túnі Túrkııada memlekettіk tóńkerіs jasaý áreketі bolyp, saldarynan 250-den astam adam qaza tapqan. Sol kezde Erdoǵan Marmarıs qalasynda bolǵan jáne qonaqúıden áskerı top kelgenge deıіn ketіp úlgergen. Keıіn bul top prezıdentke qastandyq jasaý áreketі úshіn sottalǵan.
Material avtory
