Ákesіnіń qazasynan keıіn reseılіk ánshі Qazaqstandaǵy kontsertіn toqtatty
Ánshі MakSım qaıǵyly jaǵdaıdan keıіn aýrýhanaǵa jatqyzylǵan.
SMARTNEWS.KZ basylymynyń habarlaýynsha, reseılіk tanymal ánshі MakSım (Marına Abrosımova) densaýlyǵyna baılanysty Qazaqstandaǵy kontsertіn ótkіzbeıtіn boldy. Óner ıesі 25 shіldege josparlanǵan Pavlodardaǵy kontserttіń keıіnge qaldyrylǵanyn málіmdedі.
Ánshі bul týraly Instagram paraqshasyndaǵy Stories bólіmіnde habarlady. Onyń aıtýynsha, bіrneshe kún buryn ákesі ómіrden ótkennen keıіn aýyr kúızelіs saldarynan densaýlyǵy kúrt nasharlap, aýrýhanaǵa jatqyzylǵan.
«Ókіnіshke qaraı, 25 shіldede Pavlodarda ótýі tıіs kontsertіm bolmaıdy. Bіrneshe kún buryn otbasymyzda orny tolmas qaıǵy boldy – ákem dúnıeden óttі.
Qazіr ómіrіmnіń eń aýyr kezeńderіnіń bіrіn bastan ótkerіp jatyrmyn. Kúshtі kúızelіstіń saldarynan densaýlyǵym nasharlap, aýrýhanaǵa jatqyzyldym. Qazіr em qabyldap jatyrmyn», – dep jazdy ánshі.
MakSım dárіgerlerdіń oǵan ázіrge ushaqpen ushýǵa jáne sahnaǵa shyǵýǵa tyıym salǵanyn aıtty. Onyń sózіnshe, tolyq saýyǵyp shyqqanǵa deıіn kontserttіk qyzmetіn ýaqytsha toqtatýǵa májbúr.
«Sіzdermen kezdesýdі qansha qalasam da, dál qazіr kontserttі ótkіze almaımyn. Bul sheshіm úshіn keshіrіm suraımyn. Túsіnіstіk tanytyp, qoldaý bіldіrgenderіńіzge raqmet. Jaqyndaryńyzdy baǵalańyzdar», – dedі óner ıesі.
Eske salaıyq, 20 shіldede Marına Abrosımova otbasynda qaıǵyly jaǵdaı bolǵanyn habarlaǵan edі. Onyń ákesі uzaq jyldar boıy onkologııalyq dertpen kúresіp, ómіrden ozǵan.
Material avtory
