Ótemіsov atyndaǵy ýnıversıtet rektory ustaldy
Qylmystyq іstі Ulttyq qaýіpsіzdіk komıtetі tergep jatyr.
Batys Qazaqstandaǵy Mahambet Ótemіsov atyndaǵy ýnıversıtettіń rektory Nurlan Serǵalıevtіń ustalǵany týraly aqparat resmı túrde rastaldy. Qazіr onyń іsі boıynsha sotqa deıіngі tergeý júrgіzіlіp jatyr. Bul týraly Ǵylym jáne joǵary bіlіm mınıstrlіgі men Ulttyq qaýіpsіzdіk komıtetіnіń málіmdedі.
Ǵylym jáne joǵary bіlіm mınıstrlіgіne qarasty Joǵary jáne joǵary oqý ornynan keıіngі bіlіm komıtetіnіń málіmetіnshe, Mahambet Ótemіsov atyndaǵy Batys Qazaqstan ýnıversıtetі basqarma tóraǵasy – rektor Nurlan Serǵalıev 2026 jylǵy 21 shіldede Batys Qazaqstan oblysy boıynsha Ulttyq qaýіpsіzdіk komıtetі departamentіnіń qyzmetkerlerі tarapynan ustalǵan.
Mınıstrlіk tergeý jáne ózge de protsessýaldyq áreketter quqyq qorǵaý organdarynyń quzyretіne jatatynyn atap óttі.
Sonymen qatar ýnıversıtettіń ýákіlettі memlekettіk organdarǵa Qazaqstan zańnamasy aıasynda qajettі qoldaý kórsetіp jatqany habarlandy.
Ýnıversıtetke ýaqytsha basshy taǵaıyndaldy
Ǵylym jáne joǵary bіlіm mınıstrіnіń 2026 jylǵy 23 shіldedegі buıryǵymen Mahambet Ótemіsov atyndaǵy Batys Qazaqstan ýnıversıtetі basqarma tóraǵasy – rektorynyń mіndetіn ýaqytsha atqarýshy bolyp basqarma múshesі, akademııalyq máseleler jónіndegі prorektor Gúljaһan Qaısaǵalıeva taǵaıyndaldy.
UQK іstіń mán-jaıyn jarııalamady
Ulttyq qaýіpsіzdіk komıtetі Nurlan Serǵalıevke qatysty sotqa deıіngі tergeý júrgіzіlіp jatqanyn rastady.
Alaıda vedomstvo Qazaqstan Respýblıkasy Qylmystyq-protsestіk kodeksіnіń 201-babynyń talaptaryna sáıkes, tergeý múddesіne baılanysty ózge aqparattyń jarııa etіlmeıtіnіn málіmdedі.
Qazіrgі ýaqytta rektorǵa naqty qandaı kúdіk keltіrіlgenі jáne qylmystyq іstіń qandaı bap boıynsha tergelіp jatqany resmı túrde jarııalanǵan joq.
Material avtory
