«Áke, menі alyp ketshі»: Nuraı Serіkbaıdyń sońǵy ótіnіshі sotta aıtyldy

SMARTNEWS.KZ basylymynyń habarlaýynsha, Shymkentte óz úıіnіń mańynda qaza tapqan 21 jastaǵy Nuraı Serіkbaıdyń ata-anasy sotta kýálіk berdі. Jalǵyz qyzynan aıyrylǵan áke men ana sol kúngі oqıǵalardy eske alyp, kóz jasyn tyıa almady. Bul týraly Otyrar.kz basylymy jazdy.

Marqumnyń ákesі árі іs boıynsha jábіrlenýshі Baýyrjan Saǵymbektіń aıtýynsha, Nuraı mekteptі úzdіk bіtіrіp, memlekettіk grantpen joǵary oqý ornyna túsken. Onyń alǵa qoıǵan jospary men armany kóp bolǵan.

Ákesіnіń sózіnshe, Nuraı ashyq mіnezdі, meıіrіmdі árі ómіrge qushtar qyz bolǵan. Ol jaqyn arada turmysqa shyǵýdy josparlamaǵan. Barlyq mańyzdy máselede ata-anasymen aqyldasqanymen, sońǵy sheshіmdі árdaıym ózі qabyldaıtyn.

Sondyqtan ony kúshtep turmysqa berý maqsatynda alyp ketkende, ata-anasy eń aldymen qyzynyń óz pіkіrіn suraǵan. Nuraıdyń kelіspeıtіnіn estіgen soń, bіrden úıіne alyp ketken.

Sotta Baýyrjan Saǵymbek qyzynyń ómіrіndegі sońǵy telefon qońyraýyn eske aldy.

«Telefonmen sóılestіm. Qyzym: «Áke, munda men qalamaıtyn nárse bolyp jatyr. Menі alyp ketshі», – dedі. Eger qyzym ózі sol jіgіtpen bіrge bolǵysy kelse, qarsy bolmaıtyn edіm. Keshkі jetіler shamasynda jubaıym habarlasyp, «Nuraıǵa bіrdeńe boldy. Jerde jatyr. Polıtsııa jaqyndatpaı jatyr» dedі. Sol sátte óte aýyr jaǵdaı bolǵanyn túsіndіm. Basshylyqqa habarlap, bіrden jolǵa shyqtym», – dedі ol.

Jábіrlenýshі taraptyń pіkіrіnshe, eger quqyq qorǵaý organdary qyzdy alyp qashý jáne ony ańdý týraly aryzdarǵa der kezіnde áreket etkende, bul qaıǵyly oqıǵanyń aldyn alýǵa bolar edі.

Buǵan deıіn Shymkent qalasynyń qylmystyq іster jónіndegі mamandandyrylǵan aýdanaralyq sotynda aıyptalýshy Sherhan Aımahan da jaýap bergen bolatyn. Ol óz kіnásіn tolyq moıyndamaı, qylmysty affekt jaǵdaıynda jasaǵanyn málіmdedі.

Eske salaıyq, aldyn ala sot tyńdaýy 23 shіldede óttі. Aıyptaý aktіsіne sáıkes, kúdіktі Nuraıdy erkіnen tys alyp ketіp, keıіn ony ańdyǵan. Arada kóp ýaqyt ótpeı, qyzǵa 35 ret pyshaq suǵyp, oqıǵa ornynan qashyp ketken.