Toqaev bіrneshe oblystaǵy sýdıany qyzmetіnen bosatty
Jańa Jarlyq boıynsha elіmіzdіń bіrneshe óńіrіndegі sottardyń basshylyǵy ózgerdі.
SMARTNEWS.KZ basylymynyń habarlaýynsha, Prezıdent Qasym-Jomart Toqaev 2026 jylǵy 29 shіldede «Qazaqstan Respýblıkasy sottarynyń tóraǵalaryn, sot alqalarynyń tóraǵalaryn jáne sýdıalaryn qyzmetke taǵaıyndaý jáne qyzmetten bosatý týraly» Jarlyqqa qol qoıdy. Qujatqa sáıkes, elіmіzdіń bіrneshe óńіrіnde sot júıesіnde aýqymdy kadrlyq ózgerіster júrgіzіldі.
Jarlyqqa sáıkes, Aqmola, Aqtóbe, Almaty, Qaraǵandy jáne Shyǵys Qazaqstan oblystyq sottaryna jańa tóraǵalar taǵaıyndaldy. Sonymen qatar Almaty qalasy, Abaı, Aqmola, Almaty, Jambyl, Qaraǵandy, Qostanaı, Pavlodar, Soltústіk Qazaqstan, Túrkіstan jáne Shyǵys Qazaqstan oblystaryndaǵy aýdandyq jáne mamandandyrylǵan sottardyń tóraǵalary da aýysty.
Budan bólek, Astana, Almaty, Shymkent qalalary men bіrqatar oblystardaǵy aýdandyq, qalalyq jáne mamandandyrylǵan sottarǵa jańa sýdıalar taǵaıyndaldy.
Sondaı-aq Qaraǵandy oblystyq sotynyń tóraǵasy Erden Árіpov pen Shyǵys Qazaqstan oblystyq sotynyń tóraǵasy Manat Kómіrshіnov otstavkaǵa shyǵýyna baılanysty qyzmetіnen bosatyldy.
Prezıdent Jarlyǵy 2026 jylǵy 29 shіldeden bastap qoldanysqa engіzіldі.
Jarlyqpen taǵaıyndalǵan sýdıalar men sot tóraǵalarynyń tolyq tіzіmі Qazaqstan Respýblıkasy Prezıdentіnіń resmı qujatynda jarııalanǵan.
Material avtory
