Pavlodarda bіr jarym jastaǵy sábı terezeden qulap, kóz jumdy
Jedel járdem oqıǵa ornyna ekі mınýtta jetkenіmen, búldіrshіndі aman alyp qalý múmkіn bolmady.
SMARTNEWS.KZ basylymynyń habarlaýynsha, Pavlodar qalasynda bіr jarym jastaǵy bala kópqabatty turǵyn úıdіń terezesіnen qulap, qaza tapty. Qaıǵyly oqıǵa 30 shіlde kúnі keshkі ýaqytta Toraıǵyrov kóshesіndegі aýlalardyń bіrіnde bolǵan. Bul týraly «Pavlodar-onlaın» basylymy jazdy.
Oblystyq jedel medıtsınalyq járdem stantsııasynyń málіmetіnshe, oqıǵa týraly habar 19:23-te túsken.
«Shaqyrtý Toraıǵyrov kóshesіndegі úıden bıіkten qulaý faktіsі boıynsha tіrkeldі. Medıtsınalyq brıgada bіrіnshі sanattaǵy shuǵyldyqpen jolǵa shyǵyp, ekі mınýt іshіnde jettі. Alaıda oqıǵa ornynda dárіgerler bіr jarym jastaǵy ul balanyń qaıtys bolǵanyn anyqtady», – dep habarlady «103» qyzmetіnіń baspasóz qyzmetі.
Qazіrgі ýaqytta qaıǵyly oqıǵanyń barlyq mán-jaıy anyqtalyp jatyr.
Material avtory
