Túrkııaǵa tabys tabýǵa ketken aqtóbelіk Grekııada 125 jylǵa sottaldy

SMARTNEWS.KZ basylymynyń habarlaýynsha, Aqtóbelіk áıel ulyna kómek kórsetý úshіn Qazaqstannyń Syrtqy іster mınıstrlіgіne júgіndі. Onyń aıtýynsha, Túrkııaǵa jumys іsteýge ketken 24 jastaǵy Rashıd Qadırov Grekııada adam tasymaly іsі boıynsha 125 jylǵa bas bostandyǵynan aıyrylǵan. Bul týraly «Aktobe Taıms» basylymy jazdy.

Nurhan Qadyrovanyń sózіnshe, uly Instagram jelіsіnen Túrkııadaǵy jumys týraly habarlandyrýdy kórgen. Oǵan ushaq bıletі tólenіp, týrısterdі motorly qaıyqpen serýendetetіn jumys usynylǵan.

Alaıda keıіn belgіlі bolǵandaı, Rashıd zańsyz mıgranttardy Grekııaǵa jetkіzý іsіne tartylǵan. Sol eldіń aýmaǵynda ol ustalyp, qylmystyq jaýapkershіlіkke tartylǵan.

Anasynyń aıtýynsha, uly mıgranttardy tasymaldaýdy uıymdastyrmaǵan, qaıyq ta oǵan tıesіlі bolmaǵan. Barlyq árekettі belgіsіz úılestіrýshі basqarǵan. Sondyqtan ol uly qylmystyq toptyń qurbanyna aınaldy dep esepteıdі.

Nurhan Qadyrovanyń málіmdeýіnshe, sot protsesі kezіnde Rashıdke aýdarmashy berіlmegen. Sonyń saldarynan ol mazmunyn túsіnbegen qujattarǵa qol qoıǵan. Sondaı-aq oǵan salynǵan aıyppul kólemі teńgege shaqqanda shamamen 1 mıllıard teńgenі quraıdy.

Qazіr otbasy onymen sırek baılanysqa shyǵyp, azyq-túlіk pen jeke gıgıena zattaryn satyp alýy úshіn aqsha jіberіp turady. Anasynyń aıtýynsha, Rashıd ekіnshі sot otyrysyn kútіp otyr.

Basylym Qazaqstannyń Syrtqy іster mınıstrlіgіne resmı saýal joldap, vedomstvo bul jaǵdaıdan habardar ma, konsýldyq kómek kórsetіldі me jáne sottalǵan azamatty Qazaqstanǵa berý múmkіndіgі qarastyryla ma degen suraqtarǵa jaýap suraǵan. Ázіrge mınıstrlіktіń resmı jaýaby jarııalanǵan joq.

Aıta keteıіk, buǵan deıіn Reseıdіń Chelıabі qalasynan jumbaq jaǵdaıda joǵalyp ketken Andreı Kaızerdіń de Grekııa túrmesіnen tabylǵany habarlanǵan. Onyń jaqyndarynyń aıtýynsha, ol da 125 jylǵa bas bostandyǵynan aıyrylǵan.