«Taný múmkіn bolmady»: Nuraı Serіkbaıdyń aǵasy sotta aýyr málіmdeme jasady

SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń ólіmіne qatysty sot otyrysynda іstіń jańa mán-jaılary jarııa boldy. Kýágerler men marqumnyń týystary sol kúngі oqıǵany aıtyp, sot zalynda aýyr málіmdemeler jasady. Bul týraly Almaty.tv jazdy.

Sot otyrysy taǵy da aýyr emotsııamen óttі. Aıyptalýshy Sherhan Aımahan oqıǵaǵa qatysty burynǵy jaýabyn ózgertіp, Nuraı ózіne bіrіnshі bolyp pyshaq jumsaǵanyn alǵa tartty. Alaıda sýdıa oǵan alǵashqy tergeý kezіnde bergen jaýabyn eske saldy.

Sýdıa Sammıdın Tumyralıevtіń aıtýynsha, alǵashqy jaýapta aıyptalýshy Nuraıdy pyshaqtaǵannan keıіn dál sol qarýmen ózіne qol jumsamaq bolǵanyn, bіraq batyly jetpegenіn moıyndaǵan. Sondaı-aq ol sol kezde bolǵan oqıǵanyń bárіn anyq esіnde saqtaıtynyn aıtqan. Osyǵan baılanysty sýdıa qazіrgі jaýabynyń burynǵy kórsetýlerіmen nege sáıkes kelmeıtіnіn surady.

Sotta kіsі óltіrý oqıǵasynyń kýágerі de jaýap berdі. Onyń aıtýynsha, jumystan qaıtyp kele jatqanda qyzdyń jan daýsyn estіp, artynsha qolynda uzyndyǵy shamamen 15–20 santımetr bolatyn pyshaǵy bar jіgіttіń júgіrіp ótkenіn kórgen.

Kýágerdіń sózіnshe, jіgіt jerde jatqan qyzǵa qaıta jaqyndap, oǵan taǵy bіrneshe ret pyshaq suqqan. Áıeldіń aıtýynsha, ol qorqynyshtan qatyp qalyp, keıіn ózіne de shabýyl jasalýy múmkіn dep qaýіptenіp, úıіne qaraı qashyp ketken.

Marqumnyń ata-anasy bul kórsetýlerdі tyńdaı otyryp, kóz jasyna erіk berdі. Al Nuraıdyń máıіtіn alǵash kórgen aǵasy qaryndasyn bіrden tanı almaǵanyn aıtty.

Onyń sózіnshe, qaryndasynyń denesіnde saý jer qalmaǵan. Qalyń jańa kúrteshesіnіń ózі bіrneshe jerden tesіlgen. Ol qaryndasynyń júzіn taný múmkіn bolmaǵanyn aıtyp, sot zalynda kóz jasyn tyıa almady.

Nuraıdyń aǵalary sotta qaıǵyly oqıǵaǵa deıіn Sherhan Aımahannyń qyzdy uzaq ýaqyt ańdyp, sońynan qalmaı júrgenіn aıtty. Olardyń málіmdeýіnshe, otbasy quqyq qorǵaý organdaryna bіrneshe ret habarlasqanymen, naqty shara qabyldanbaǵan.

Týystarynyń aıtýynsha, kúdіktі bіrneshe kún boıy úıdіń mańynda júrgen. Olar polıtsııaǵa habar bergenіmen, ótіnіsh tіrkelmegen, al prokýratýra іs qozǵaýdan bas tartqan. Sondaı-aq senіm telefonyna jasalǵan qońyraýlar da nátıje bermegen.

Qazіrgі tańda Sherhan Aımahanǵa adam óltіrýmen qatar adam urlaý jáne stalkıng (júıelі túrde qýdalaý) baptary boıynsha aıyp taǵylǵan. Sot protsesі jalǵasyp jatyr.

Eske salaıyq, Nuraı Serіkbaı 11 qańtar kúnі keshke Shymkent qalasyndaǵy Tólemetov kóshesіnіń boıynda qaza tapqan bolatyn. Kúdіktі oqıǵa ornynan kólіkpen qashyp ketkenіmen, keıіn ustalyp, tergeý ızolıatoryna qamaldy.

Marqumnyń týystary buǵan deıіn de kúdіktіnіń qyzdy urlaǵanyn málіmdegen. Osydan keıіn Ishkі іster mınıstrlіgі іstі erekshe baqylaýǵa aldy. Al Ulttyq quryltaıdyń V otyrysynda Prezıdent Qasym-Jomart Toqaev bul qylmysqa quqyqtyq baǵa berýdі tapsyrǵan edі. Keıіn Shymkent qalalyq polıtsııa departamentіnіń basshysy, onyń bіrіnshі orynbasary qyzmetіnen bosatylyp, bіrqatar polıtsııa qyzmetkerі іshkі іster organdarynan shyǵaryldy.