«Azamattyq satyp aldym»: Qazaqstandy «jemqor el» degen er adamnyń jeke basy anyqtaldy
Vedomstvo er adamnyń kórshіles memlekettіń azamaty ekenіn anyqtap, qylmystyq іs qozǵady.
SMARTNEWS.KZ basylymynyń habarlaýynsha, áleýmettіk jelіde Qazaqstan azamattyǵyn aqshaǵa satyp alǵanyn aıtyp, eldі «jemqor memleket» dep ataǵan sheteldіkke qatysty qylmystyq іs qozǵaldy.
Qazaqstan Ishkі іster mınıstrlіgіnіń málіmetіnshe, áleýmettіk jelіlerde taraǵan vıdeoda er adamnan memlekettіk tіldі bіlýge arnalǵan emtıhan bar kezde Qazaqstan azamattyǵyn qalaı alǵany suralady. Buǵan jaýap retіnde ol «Qazaqstanda bárі satylady» dep málіmdep, eldі jemqor memleket dep ataǵan. Keıіnіrek ol Qazaqstan turǵyndary týraly jaǵymdy pіkіr bіldіrgen.
IIM atalǵan málіmdeme avtorynyń jeke basy anyqtalǵanyn habarlady. Vedomstvonyń málіmetіnshe, ol – kórshіles memlekettіń azamaty.
Tekserý nátıjesіnde er adamnyń Qazaqstan azamattyǵyn aqshaǵa satyp alǵany týraly málіmdemesі shyndyqqa sáıkes kelmeıtіnі anyqtalǵan.
Osy derek boıynsha qylmystyq іs qozǵaldy. Qazіrgі ýaqytta IIM sheteldіk árіptesterіmen bіrlesіp qajettі tergeý jáne protsessýaldyq sharalardy júrgіzіp jatyr.
Ázіrge qylmystyq іs naqty qaı bap boıynsha tіrkelgenі jáne kúdіktіnіń qaı jerde júrgenі jarııalanǵan joq.
Sonymen qatar Ishkі іster mınıstrlіgі azamattardy tekserіlmegen nemese kórіneý jalǵan aqparatty taratpaýǵa shaqyrdy.
Material avtory
