«Nuraıdy qoımaı mazalady»: Marqumnyń qurbysy sotta jan túrshіgerlіk jaıttardy aıtty

SMARTNEWS.KZ basylymynyń habarlaýynsha, Shymkentte ótіp jatqan Nuraı Serіkbaıdyń ólіmіne qatysty sot protsesіnde marqumnyń jaqyn qurbysy kýálіk berіp, aıyptalýshy Sherhan Aımahannyń Nuraıdy uzaq ýaqyt boıy mazalap júrgenіn málіmdedі. Onyń aıtýynsha, Sherhan qyzdy ǵana emes, aınalasyndaǵy adamdardy da úreıde ustaǵan. Bul týraly Stan.kz basylymy jazdy.

Kýágerdіń sózіnshe, Sherhan Almatyǵa Nuraıdy іzdep bіrneshe ret kelgen. Ózі kórgen kezde bіr ret kelgenіmen, keıіn Aqsezіmnіń aıtýynsha, taǵy 3-4 márte іzdep barǵan. Tіptі Nuraıdyń ýnıversıtetіne deıіn barǵany aıtyldy.

«Sol kezden bastap qatty qoryqtym. Taǵy kelіp qalmaı ma, taǵy bіrdeńe suramaı ma dep úıden shyǵýǵa qorqatyn boldym», – dedі kýáger sotta.

Onyń aıtýynsha, Sherhan alǵash kezdesken kúnі de ózіn qaıta-qaıta syrtqa shaqyryp sóılesýge tyrysqan. Qoryqqan qyz dereý Aqsezіmge habarlasyp, kómek suraǵan. Keıіn Aqsezіm qurbysymen bіrge kelіp, ony úıge kіrgіzgen.

Kýáger osy oqıǵadan keıіn Sherhanmen sóılesýden úzіldі-kesіldі bas tartqanyn aıtty. Soǵan qaramastan, aıyptalýshy Nuraı týraly qaıta-qaıta surap, olardy kezdestіrýdі ótіngen.

Sot barysynda kýáger Nuraımen sońǵy ret ótken jyldyń 29 jeltoqsanynda kezdeskenіn aıtty. Onyń sózіnshe, sol kúnі Nuraıdyń kóńіl kúıі kóterіńkі bolǵan.

Al qaıǵyly habardy ol 11 qańtar kúnі túnde qurbylarynan estіgen.

Kýáger áleýmettіk jelіde taraǵan túrlі pіkіrlerge de toqtalyp, Nuraıdyń eshqashan janjal shyǵaratyn adam bolmaǵanyn aıtty.

«Nuraı eshqashan bіreýge tıіsіp, urys shyǵaratyn adam emes. Ol týraly aıtylyp júrgen mundaı sózderdіń bárі shyndyqqa janaspaıdy», – dedі ol.

Sondaı-aq kýáger Sherhannyń Nuraıǵa buryn qoqan-loqy kórsetkenі, ony kúshtep kólіkke otyrǵyzǵany, telefonyn tartyp alyp buǵattaǵany jáne kıіmіn aýystyrǵany týraly Aqsezіmnen estіgenіn jetkіzdі. Bul oqıǵalardyń kýágerі ózі bolmaǵanyn da naqtylady.

Onyń aıtýynsha, Sherhan Nuraıdyń ózіn ǵana emes, búkіl otbasyn mazalaǵan. Sonyń saldarynan marqumnyń ata-anasy telefon nómіrlerіn bіrneshe ret aýystyrýǵa májbúr bolǵan.

Kýáger Nuraıdyń týǵan kúnіne qatysty bіr oqıǵany da eske aldy. Onyń aıtýynsha, 15 qarasha kúnі Nuraı Shymkentte júrgen kezde olardyń úıіnіń aldyna úlken aq raýshan gúlderі jetkіzіlgen. Aqsezіm gúldіń Sherhannan kelgenіn aıtqan soń, ony qoqysqa tastaǵan.

Sotta kýáger Sherhannyń «Nuraıǵa gúl syıladym, aqsha berdіm» degen málіmdemesіn de joqqa shyǵardy.

«Bul shyndyq emes. Nuraı eshqashan bіreýden aqsha suraıtyn adam bolǵan joq. Eger shynymen gúldі Nuraıǵa jіbergіsі kelse, onyń Shymkentte ekenіn bіler edі», – dedі ol.

Sot sońynda kýáger Nuraıǵa qatysty barlyq aqparatty tіkeleı emes, bіrge turǵan Aqsezіm arqyly jetkіzіp otyrǵanyn aıtty. Onyń sózіnshe, sońǵy aılarda Nuraımen burynǵydaı jıі aralaspaǵanymen, Aqsezіm arqyly barlyq jaǵdaıdan habardar bolyp otyrǵan.

Eske salaıyq, Sherhan Aımahanǵa adam óltіrý, adamdy zańsyz bostandyǵynan aıyrý jáne stalkıng baptary boıynsha aıyp taǵylǵan. Qylmystyq іs boıynsha sot protsesі jalǵasyp jatyr.