2 mlrd teńgege jýyq nesıe aldyrǵan: Aqmola oblysynda 21 adam sottaldy
Bóten adamdardyń atyna mıllıardtaǵan teńge nesıe rásіmdegen qylmystyq topqa úkіm shyqty.
SMARTNEWS.KZ basylymynyń habarlaýynsha, Aqmola oblysynda asa іrі kólemdegі alaıaqtyq jasady dep aıyptalǵan uıymdasqan qylmystyq topqa qatysty sot úkіmі shyqty. Qylmystyq toptyń áreketіnen kelgen shyǵyn shamamen 2 mlrd teńgenі quraǵan.
Tergeý málіmetіne sáıkes, kúdіktіler azamattardyń jeke derekterіn zańsyz paıdalanyp, olardyń atyna ekіnshі deńgeılі bankter men mıkroqarjy uıymdarynan aldaý jolymen nesıe rásіmdep otyrǵan.
Aqmola oblysynyń prokýratýrasy habarlaǵandaı, Aqmola oblysynyń mamandandyrylǵan aýdanaralyq qylmystyq іster jónіndegі sotynyń 2026 jylǵy 5 tamyzdaǵy úkіmіmen 21 aıyptalýshy kіnálі dep tanylyp, 5 jyldan 10 jylǵa deıіngі merzіmge bas bostandyǵynan aıyryldy.
Sot sondaı-aq qylmystyq jolmen alynǵan múlіktі memleket kіrіsіne tárkіleý týraly sheshіm qabyldady. Tárkіlengen múlіktіń qatarynda Almaty qalasyndaǵy páterler, Lexus LX 570, Toyota Land Cruiser 200, Toyota Camry jáne ózge de qymbat avtokólіkter bar.
Ázіrge sot úkіmі zańdy kúshіne engen joq.
Material avtory
